பேசாம சென்னையில் விழா நடத்தியிருக்கலாமோ? தமிழக போலீசை மிஞ்சிய மலேசியா போலீஸ் – இத்தனை கெடுபிடிகளா? அப்செட்டில் நடிகர் விஜய்!

தவெக தலைவர் விஜய்க்கும் ஆளுங்கட்சி திமுகவுக்கும் கடுமையான மோதல் நிலவி வருகிறது. விஜய் நடித்த லியோ தி கோட் போன்ற படங்களின் இசை வெளியீட்டு விழாக்களை நடத்த திமுக தரப்பில் செய்த நெருக்கடியால் அந்த படங்களுக்கு இசை வெளியீட்டு விழாவே நடத்தவில்லை. இப்போது விஜய் நடிப்பில் அடுத்து வெளிவர உள்ள ஜனநாயகன் படத்தின் இசை வெளியீட்டு விழா வருகிற 27ம் தேதி மலேசியாவில் உள்ள கோலாலம்பூரில் மிக பிரமாண்டமாக நடைபெற உள்ளது.

இந்த விழாவில் நடிகர் விஜய் பேசும்போது, அரசியல் சார்ந்த கருத்துக்கள் எதையும் பேசக்கூடாது என்று ஏற்கனவே மலேசியா போலீஸ் தடை விதித்துள்ளது. இப்போது மேலும் பல புதிய தடைகளை கெடுபிடிகளை மலேசிய போலீஸ் விதித்துள்ளதாக தகவல் வெளியாகி உள்ளது. அதாவது இந்த நிகழ்ச்சியில் கலந்துக்கொள்ள வருபவர்கள் தமிழக வெற்றிக் கழகத்தின் கொடி, அரசியல் சார்ந்த பதாகைகள், கட்சி சின்னம் பொறித்த தொப்பிகள் கைக்கடிகாரங்கள் பெல்ட்டுகள் மற்றும் புகைப்படங்கள் உள்ளிட்ட எதையும் நிகழ்ச்சி திடலுக்குள் கொண்டு வரக் கூடாது என மலேசியா போலீஸ் தடை விதித்துள்ளது.

மேலும் மஞ்சள் மற்றும் சிவப்பு நிறத்தை பிரதிபலிக்கும் பொருட்களை விழா அரங்க பகுதிக்குள் கொண்டுவரக்கூடாது என்றும் போலீசார் எச்சரித்துள்ளனர். தவெக கட்சி கொடியில் மஞ்சள் மற்றும் சிவப்பு நிறங்கள் இடம் பெற்றுள்ளன என்பது குறிப்பிடத்தக்கது. மலேசியா போலீசின் கெடுபிடிகளால் அப்செட் ஆன நடிகர் விஜய் மற்றும் படக்குழுவினர் பேசாமல் சென்னையிலேயே இந்த விழாவை நடத்தியிருக்கலாமோ என்று புலம்பி வருகிறார்களாம்.