“திமுக – அதிமுகவுக்கு பேரதிர்ச்சி”… இரு தொகுதிகளையும் தட்டி தூக்கிய தவெக…. விஜய்யின் மாஸ்டர் பிளான் சக்சஸ்…. ஷாக் கொடுக்கும் தேர்தல் ரிசல்ட்…!

பெரும் எதிர்பார்ப்புகளுக்கு மத்தியில் நடைபெற்ற தாராபுரம் மற்றும் மதுராந்தகம் சட்டமன்றத் தொகுதி இடைத்தேர்தல்களில், தமிழக வெற்றிக் கழகம் இரு தொகுதிகளையும் கைப்பற்றி மாபெரும் சாதனை படைத்துள்ளது. அதிமுகவிலிருந்து விலகி தவெகவில் இணைந்த சத்யபாமா (தாராபுரம்) மற்றும் மரகதம் குமாரவேல் (மதுராந்தகம்) ஆகியோர் மீண்டும் அதே தொகுதிகளில் போட்டியிட்டு வெற்றி பெற்றுள்ளனர். வாக்கு எண்ணிக்கையின் தொடக்கம் முதலே தவெக வேட்பாளர்கள் தங்களது ஆதிக்கத்தைச் செலுத்தி முன்னிலையில் இருந்த நிலையில், தற்போது இந்த வெற்றி உறுதியாகியுள்ளது தமிழக அரசியல் களத்தில் பெரும் தாக்கத்தை ஏற்படுத்தியுள்ளது.

இந்த இடைத்தேர்தல் களம் திமுக, அதிமுக, தவெக, நாம் தமிழர் கட்சி மற்றும் கம்யூனிஸ்ட் கட்சிகள் என பலமுனைப் போட்டியாக மிகவும் பரபரப்பாக அமைந்தது. தவெக வேட்பாளர்கள் தங்கள் எம்எல்ஏ பதவிகளை ராஜினாமா செய்துவிட்டு கட்சியில் இணைந்ததால், ‘குதிரை பேரம்’ நடைபெற்றதாக திமுக மற்றும் அதிமுக தரப்பில் கடுமையான குற்றச்சாட்டுகள் முன்வைக்கப்பட்டன. மேலும், இக்கூட்டணிக் கட்சிகளின் தலைவர்கள், அமைச்சர்கள் மற்றும் நாம் தமிழர் கட்சியின் தலைமை ஒருங்கிணைப்பாளர் சீமான் உள்ளிட்ட பலரும் தீவிர பிரச்சாரத்தில் ஈடுபட்டு வாக்காளர்களை நாடினர்.

அனைத்துத் தரப்பிலிருந்தும் எழுந்த கடுமையான விமர்சனங்கள், சர்ச்சைகள் மற்றும் பணப்பட்டுவாடா புகார்களைத் தாண்டி தவெக வேட்பாளர்கள் வெற்றி பெற்றுள்ளனர். குறிப்பாக, தாராபுரத்தின் சின்னபுதூர் கிராமத்தில் ஆரம்பத்தில் எதிர்ப்புச் சம்பவித்த போதிலும், அங்கு தவெக சாதனை படைத்துள்ளது குறிப்பிடத்தக்கது. எதிர்க்கட்சிகள் முன்வைத்த குதிரை பேரம் மற்றும் ஊழல் குற்றச்சாட்டுகளை மக்கள் முற்றிலுமாக நிராகரித்துள்ளதாக அரசியல் பார்வையாளர்கள் கருதுகின்றனர்.

இந்த இரு தொகுதிகளின் வெற்றியானது நடிகர் விஜய் தலைமையிலான தமிழக வெற்றிக் கழகத்திற்கு மிகப்பெரிய திருப்புமுனையாகவும், கட்சியின் நற்பெயரை உயர்த்தும் மைல்கல்லாகவும் அமைந்துள்ளது. தேர்தல் முடிவுகள் வெளியானதை அடுத்து, தமிழகம் முழுவதும் உள்ள தவெக தொண்டர்கள் மற்றும் ரசிகர்கள் பட்டாசு வெடித்து, இனிப்புகள் வழங்கி தங்களது உற்சாகமான கொண்டாட்டங்களில் ஈடுபட்டு வருகின்றனர். தவெகவின் இந்த முதல் தேர்தல் வெற்றி தமிழக அரசியலில் புதிய மாற்றத்திற்கான தொடக்கமாகப் பார்க்கப்படுகிறது.