கமல் சார் மிகப்பெரிய கலைஞன்.. ஆனா அவர்கிட்ட இந்த பிரச்சன இருக்கு.. உத்தம வில்லன் சோகக் கதையைப் பகிர்ந்த லிங்குசாமி!

தமிழ் சினிமாவில் ஒரு தனி பல்கலைக்கழகமாக விளங்குபவர் கமல்ஹாசன், 60 ஆண்டுகளுக்கும் மேலாக நடித்து வரும் கமல்ஹாசன் நடிப்பு, இயக்கம், திரைக்கதை, பாடல் மற்றும் நடனம் என தொடாத துறைகளே இல்லை என சொல்லலாம்.

தமிழ் சினிமாவில் 65 ஆண்டுகளுக்கும் மேலாக சினிமாவில் இயங்கி வருகிறார். நடிப்பு, இயக்கம், பாடல் பாடுதல், பாடல் எழுதுதல், தயாரிப்பு என ஒரு பல்துறை வித்தகராக வலம் வந்து கொண்டிருக்கிறார். மூன்றாம் பிறை, நாயகன் மற்றும் இந்தியன் ஆகிய மூன்று திரைப்படங்களுக்காக தேசிய விருது பெற்றுள்ளார்.

தன்னுடைய படங்களில் திறமையானவர்களைப் பயன்படுத்த வேண்டும் என்பதில் கமல்ஹாசன் ஆர்வமாக இருப்பார். அதுபோல திறமையானவர்களைக் கண்டால் அவர்களுக்கான வாய்ப்புகளை எப்படியாவது தன்னுடைய கம்பெனியில் கொடுக்கவேண்டும் என ஆசைப்படுவார். ஆனால் அவர் எடுத்த சில பரிசோதனை முயற்சிப் படங்கள் படுதோல்வி அடைந்து பல தயாரிப்பாளர்களைக் காவு வாங்கியுள்ளன.

அதற்கு சமீபத்தைய உதாரணங்கள் ஆளவந்தான் எடுத்த தாணு முதல் உத்தம வில்லன் எடுத்த லிங்குசாமி ஆகியோரை சொல்லலாம். உத்தம் வில்லன் படத்தை எடுத்ததில் அடைந்த நஷ்டத்தால் இன்றளவும் திரைத்துறையில் பல பொருளாதார சிக்கல்களை சந்தித்து வருகிறார் லிங்குசாமி.

இந்நிலையில் அவர் சமீபத்தில் ஒரு நேர்காணலில் உத்தம வில்லன் படம் எப்படி தங்கள் நிறுவனத்திடம் திணிக்கப்பட்டது என்று கூறியுள்ளார். அதில் “நாங்களாக விருப்பப்பட்டுதான் கமல்சாரை வைத்து படம் தயாரிக்க சென்றோம். அவர் அருமையான ஒரு கமர்ஷியல் கதையை சொன்னார். எங்களுக்குப் பிடித்திருந்தது.  ஆனால் அவரிடம் ஒரு பிரச்சனை உள்ளது. ஆனால் அவர் அடிக்கடி மனதை மாற்றிக்கொண்டே இருப்பார்.

அப்படிதான் உத்தமவில்லன் கதையை சொன்னார். நாங்கள் இது கமர்ஷியலாக பெரிதாக போகாது என்று சொன்னோம். என்னை நம்புங்கள். இது என் கனவுப்படம் என்று சொல்லி எடுத்தார். படம் பார்த்துவிட்டு நாங்கள் நிறையத் திருத்தங்கள் சொன்னோம். முதலில் மாற்றுவதாக சொன்ன அவர் பின்னர் மாற்ற மாட்டேன் என்றார். ஒருவேளை அந்தக் கரெக்‌ஷன்களை சொல்லி இருந்தால் நல்ல படமாகக் கூட வந்திருக்கும். இந்த படத்தால் உங்களுக்கு நஷ்டம் வந்தால் மீண்டும் 30 கோடி ரூபாயில் ஒரு படம் பண்ணித் தர்றேன் என்றார். நாங்களும் அதற்காகக் காத்திருக்கிறோம்.” எனக் கூறியுள்ளார்.