“அதிமுகவில் அடுத்த விக்கெட் ரெடியா?”…. செங்கோட்டையனை சந்தித்த லீமா ரோஸ்… பின்னணியில் இருக்கும் ரகசியம்… செம ஷாக்கில் இபிஎஸ்…!

சென்னையில் அதிமுக சட்டமன்ற உறுப்பினர் லீமா ரோஸ், மூத்த தலைவரான கே.ஏ. செங்கோட்டையனை நேரில் சந்தித்துப் பேசியுள்ளது தற்போது தமிழக அரசியலில் பெரும் பேசுபொருளாக மாறியுள்ளது. ஏற்கனவே அக்கட்சியைச் சேர்ந்த 6 சட்டமன்ற உறுப்பினர்கள் தங்களது பதவிகளை ராஜினாமா செய்துள்ள நிலையில், இந்த திடீர் சந்திப்பு அதிமுகவில் ‘ராஜினாமா படலம்’ மேலும் தொடர்கிறதோ என்ற பலத்த சந்தேகத்தையும், அரசியல் வட்டாரத்தில் சலசலப்பையும் ஏற்படுத்தியுள்ளது.

பொதுத்தேர்தலுக்குப் பிறகு கட்சித் தலைமை மீது அதிருப்தி கொண்டு மாற்று அணியில் பயணித்து வந்த லீமா ரோஸ், சமீபத்தில்தான் மீண்டும் எடப்பாடி பழனிசாமியின் (EPS) தலைமைக்கு ஆதரவளித்து இணைந்தார் என்பதும், அதற்குள் இந்த சந்திப்பு நிகழ்ந்துள்ளதும் அதிமுக உட்கட்சி அரசியலில் தற்போதைய பதற்றமான சூழலை அப்பட்டமாக வெளிச்சம் போட்டுக் காட்டுகிறது.