“தமிழ்நாடு ஒரு பெரிய தலைவரை மிஸ் பண்ணிடுச்சு” அவர்கிட்ட செம்ம பிளான் இருந்தது, ஆனா… ரஜினி ஏன் அரசியலுக்கு வரல..? சீக்ரெட்டை உடைத்த லதா ரஜினிகாந்த்..!!

சூப்பர் ஸ்டார் ரஜினிகாந்த் அவர்கள் அரசியலுக்கு வராததால், தமிழக மக்கள் ஒரு மிகப்பெரிய தலைவரை மிஸ் பண்ணிவிட்டோம் என்று அவரது மனைவி லதா ரஜினிகாந்த் அவர்கள் மிகுந்த உருக்கத்துடன் பேசியுள்ளார். ரஜினிகாந்தின் அரசியல் வருகைக்காக லட்சக்கணக்கான ரசிகர்கள் காத்திருந்த நிலையில், லதா ரஜினிகாந்தின் இந்த சமீபத்திய கருத்து சமூக வலைத்தளங்களிலும், அரசியல் வட்டாரத்திலும் பெரும் பேசுபொருளாக மாறியுள்ளது.

சமீபத்திய நேர்காணல் ஒன்றில் இதுகுறித்துப் பேசிய அவர், ரஜினிகாந்த் அவர்கள் முழு மனதுடன் அரசியலுக்கு வரத் தயாராகத்தான் இருந்தார் என்றும், ஆனால் கொரோனா காலகட்டத்தில் நிலவிய அசாதாரண சூழ்நிலை காரணமாகவே அவர் அப்படியொரு பின்வாங்கல் முடிவை எடுக்க வேண்டியதாகிவிட்டது என்றும் விளக்கியுள்ளார். உடல்நிலை மற்றும் அப்போதிருந்த உலகளாவிய மருத்துவச் சூழல் ஆகியவை அவரது அரசியல் பயணத்திற்கு முட்டுக்கட்டையாக அமைந்ததை அவர் சுட்டிக்காட்டியுள்ளார்.

மேலும், ரஜினிகாந்தின் தொலைநோக்குப் பார்வையைத் தான் மிக அருகிலிருந்து பார்த்தவள் என்று லதா ரஜினிகாந்த் குறிப்பிட்டுள்ளார். ஒரு நாடு ஒட்டுமொத்தமாக எப்படி இருக்க வேண்டும், மக்கள் நல்வாழ்வு பெற எப்படி முன்னேற வேண்டும் என்பது குறித்து அவர் ஏற்கனவே பல துல்லியமான மற்றும் சிறப்பான திட்டங்களை வகுத்து வைத்திருந்ததாகவும், அவை அனைத்தும் மக்கள் நலனை மட்டுமே நோக்கமாகக் கொண்டவை என்றும் அவர் பெருமிதத்துடன் தெரிவித்துள்ளார்.