பழம்பெரும் நடிகர் டி.எஸ்.பாலையாவின் மகன் என்ற அடையாளத்தோடு வாரிசு நடிகராக திரையுலகில் அறிமுகமானவர் நடிகர் ஜூனியர் பாலையா. இவர் ‘மேல்நாட்டு மருமகள்’ படத்தின் என்ற திரைப்படத்தின் மூலம் தமிழில் அறிமுகமானார். தொடர்ந்து, கோபுர வாசலிலே, கரகாட்டக்காரன், சின்னத்தாயி, சங்கமம், வின்னர், சாட்டை, புலி, நேர்கொண்ட பார்வை உள்ளிட்ட பல்வேறு திரைப்படங்களில் நடித்திருந்தார்.
இரண்டு ஆண்டுகளுக்கு முன் வெளியான ‘என்னங்க சார் உங்க சட்டம்’ என்ற படத்தில் தான் அவர் கடைசியாக நடித்தார் என்பது குறிப்பிடத்தக்கது. மேலும் ‘முகிலன்’ என்ற வெப் தொடரில் நடித்துள்ளார். சித்தி, சின்ன பாப்பா பெரிய பாப்பா உள்ளிட்ட சீரியல்களிலும் நடித்துள்ளார். வெள்ளித்திரை மட்டுமல்லாமல் சின்னத்திரையிலும் கால்பதித்து கலக்கியவர் நடிகர் ஜூனியர் பாலையா. இப்படி சின்னத்திரை வெள்ளித்திரை என அனைத்திலும் வலம் வந்த ஜூனியர் பாலையா மூச்சுத் திணறல் ஏற்பட்டு சென்னை வளசரவாக்கத்தில் உள்ள தனது இல்லத்தில் உயிரிழந்ததாக கூறப்பட்டது.
இவரது இறப்புக்கு திரையுலகை சேர்ந்த பலரும் இரங்கல் தெரிவித்து வந்தனர். இந்நிலையில் மறைந்த நடிகர் ஜூனியர் பாலையாவின் உடல் இன்று நல்லடக்கம் செய்யப்பட்டுள்ளது. இதனைத் தொடர்ந்து அவரின் மகனான ரோஹித் பாலையா தற்பொழுது செய்தியாளர்களை சந்தித்து பேட்டி ஒன்றை கொடுத்துள்ளார். அந்த பேட்டியில் அவர் கூறியதாவது, ‘ அப்பாவின் மரணம் குறித்து சம்பந்தமில்லாத பல வதந்திகள் பரப்பப்பட்டு வருகிறது. அப்பாவிற்கு சில நாட்களாகவே மூச்சுத்திணறல் பிரச்னை இருந்து வந்தது.
நவம்பர் 2 அதிகாலை கொஞ்சம் அதிகமாக ஆனது. அவர் எழுந்து உட்காரும் பொழுதே , நிலைதடுமாறி கீழே விழுந்து விட்டார். அவரை நாங்கள் தூக்கும் பொழுதே அவரது உயிர் பிரிந்து விட்டது. அதன்பிறகு ஆம்புலன்ஸ் கால் செய்து கூப்பிட்டோம். அவர்கள் வந்து கன்போர்ம் செய்துவிட்டனர். அனால் உண்மையான காரணம் தெரியாமல் அப்பாவிற்கு மாரடைப்பு, இன்னும் இதுபோல நிறைய காரணங்களை கூறிக்கொண்டு வதந்திகள் பரவி வருகிறது. இதனால் மிகுந்த மனஉளைச்சலுக்கு ஆளாகியுள்ளோம். அப்பா மரணம் குறித்து தெளிவுபடுத்தவே இந்த பேட்டி என்றும் அவர் கூறியுள்ளார். இதோ அந்த வீடியோ…
உத்திரப்பிரதேசத்தில் கங்கா எக்ஸ்பிரஸ்வேயில் கட்டுப்பாட்டை இழந்த கார் மோதிய விபத்தில் ஒரே குடும்பத்தைச் சேர்ந்த 4 பேர் பரிதாபமாக உயிரிழந்த…
டெல்லியில் போதைப்பொருள் விற்க மறுத்த பூ வியாபாரி பெண்ணைக் கும்பல் ஒன்று லத்தியால் தாக்கியுள்ள சம்பவம் சமூக வலைதளங்களில் வைரலாகிப்…
கன்னியாகுமரி மாவட்டம் கருங்கல் அருகே நேர்ந்த இருசக்கர வாகன விபத்தில் 13 வயது பரதநாட்டியக் கலைஞர் சிறுமி பரிதாபமாக உயிரிழந்த…
மத்திய அரசின் சார்பில் அரசுப் பள்ளி மாணவர்களுக்காக நடத்தப்படும் தேசிய வருவாய்வழி மற்றும் திறன் படிப்புதவித் தொகை திட்டத் தேர்விற்கு…
தவெக எம்.எல்.ஏ.க்கள் விவகாரத்தில் முதல்வர் ஜோசப் விஜய் விடுத்த எச்சரிக்கை வெறும் கண்துடைப்பு நாடகம் என்றும், பஞ்ச் டயலாக் பேசி…
கள்ளக்குறிச்சி மாவட்ட ஆட்சியருக்குத் தகாத குறுஞ்செய்தி அனுப்பியதாக எழுந்துள்ள குற்றச்சாட்டில் தொடர்புடைய தவெக எம்.எல்.ஏ. அருள் விக்னேஷை ஆளுங்கட்சி தரப்பு…