திடீரென மருத்துவமனையில் நடிகர் விஜய்… இதுதான் காரணமா…? வைரலாகும் வீடியோ…

தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் விஜய். இவர் நடிப்பில் சமீபத்தில் வெளியான லியோ திரைப்படம் வசூலில் சக்க போடு போட்டு வருகிறது.  இதைத் தொடர்ந்து தற்பொழுது இயக்குனர் வெங்கட் பிரபு இயக்கத்தில் தளபதி 68 திரைப்படத்தில் நடித்து வருகிறார்  தளபதி. இவருக்கு ஜோடியாக தெலுங்கு இளம் நடிகை மீனாட்சி சவுத்ரி கமிட்டாகியுள்ளார்.

நடிகர் விஜய் சினிமாவில் மட்டுமின்றி மக்கள் நலனிலும், மாணவர்கள் நலனிலும் அக்கறை கொண்டவர். இதற்காக அவர் தொடங்கியதே விஜய் மக்கள் இயக்கம். இந்த இயக்கத்தின் சார்பில் தொடர்சியாக பல நலத்திட்ட உதவிகளை செய்து வருகிறார்.  இந்த இயக்கத்தின் மூலம் உலக பட்டினி தினத்தை முன்னிட்டு தமிழ்நாட்டில் உள்ள 234 தொகுதிகளிலும் ஏழை எளியோருக்கு உணவு வழங்கப்பட்டது.

இந்த நிகழ்வு விஜய்யின் அரசியல் நகர்வாக பார்க்கப்பட்டது. இதைத்தொடர்ந்து நடிகர்  விஜய், 10, 12ஆம் வகுப்பில் சாதனை படைத்த மாணவர்களுக்கு விருதுகளும் ஊக்கத்தொகையும் வழங்கி கௌரவித்தார். லியோ வெற்றி விழாவில் கூட நடிகர் விஜய் அரசியல் பற்றி சூசகமாக பேசியிருந்ததாக கூறியிருந்தனர் கலந்து கொண்ட ரசிகர் மன்ற நிர்வாகிகள்.

இந்த ‘விஜய் மக்கள் இயக்க’த்தின் மாநில பொதுச் செயலாளர் செயல்படுபவர் தான் புஸ்ஸி ஆனந்த். இவர் திடீரென  உடல் நலக்குறைவு காரணமாக சென்னையில் உள்ள மருத்துவமனையில் அனுமதிக்கப்பட்டுள்ளார். மருத்துவமனைக்கு நேரில் சென்ற நடிகர் விஜய் புஸ்ஸி ஆனந்திடம் உடல்நிலை குறித்து நலம் விசாரித்தார். அப்பொழுது எடுக்கப்பட்ட வீடியோ தற்பொழுது இணையத்தில் வெளியாகி வைரலாகி வருகிறது. இதோ அந்த வீடியோ…