“வெறி ஆயிட்டாரு கே.என்.நேரு”…. மனசாட்சி வேண்டாமா?… ‘இப்படி பேசினா எப்போ முடியுறது?’…. சட்டப்பேரவையை அதிரவைத்த வைரல் கவுன்டர்….!

தமிழ்நாடு சட்டமன்றப் பேரவையில் பட்ஜெட் கூட்டத்தொடரின் மானியக் கோரிக்கை மீதான விவாதங்கள் மிகவும் விறுவிறுப்பாகவும், சுவாரஸ்யமாகவும் நடைபெற்று வருகின்றன. அவையில் பல்வேறு துறை சார்ந்த கேள்விகளுக்கு அமைச்சர்கள் பதிலளித்து வரும் நிலையில், நகராட்சி நிர்வாகத் துறை மற்றும் உயர்கல்வித் துறை சார்ந்த விவாதங்களின் போது நடந்த ஒரு நிகழ்வு, பேரவை உறுப்பினர்கள் மட்டுமின்றி சமூக வலைத்தளப் பயனர்களின் கவனத்தையும் பெரிதும் ஈர்த்துள்ளது.

உயர்கல்வித்துறை அமைச்சர் விஸ்வநாதன் அவையில் உரையாற்றுகையில், கூட்டணிக் கோட்பாடுகள் மற்றும் அரசியல் நகர்வுகள் குறித்து மிகவும் கவித்துவமான முறையில் பேசத் தொடங்கினார். “முடியாது என்றார்கள், சாத்தியமே இல்லை என்று சொன்னார்கள்… மாநிலத்தில் சுயாட்சி, மத்தியில் கூட்டணி ஆட்சி” என்று ஒவ்வொரு வரியையும் இரண்டு இரண்டு முறை அடுக்கு மொழியில் கவிதை நயத்தோடு கூறி, 2024 விக்கிரவாண்டி மாநாடு வரை குறிப்பிட்டு அனைவரது கவனத்தையும் ஈர்க்க முயன்றார்.

அமைச்சர் தன் உரையில் தீவிரமாக மூழ்கி, வார்த்தைகளைத் திருப்பித் திருப்பி அடுக்கிப் பேசிக் கொண்டிருந்தபோது, மூத்த தலைவரும் முன்னாள் அமைச்சருமான கே.என்.நேரு திடீரென குறுக்கிட்டு மைக்கைப் பிடித்தார். “உயர்கல்வித் துறை அமைச்சர் மானியக் கோரிக்கையை விட்டுவிட்டு அரசியல் பேசுகிறார். அவர் கவிஞராக இருக்கலாம், அதற்காக எல்லா வார்த்தையையும் இரண்டு இரண்டு தடவையா பதிவு செய்வது? இப்படி ஒவ்வொரு வரியையும் இரண்டு முறை சொன்னால் எத்தனை மணிக்கு விவாதத்தை முடிப்பது?” என்று நகைச்சுவையாகக் கேள்வி எழுப்பினார்.

நேருவின் இந்த எதிர்பாராத கவுன்டர் பதிலைக் கேட்டு, சபாநாயகர் உட்பட ஒட்டுமொத்த சட்டமன்ற உறுப்பினர்களும் மேஜையைத் தட்டி உரக்கச் சிரித்தனர். அவையில் நிலவிய லேசான பரப்பரப்பைத் தணித்து கலகலப்பை ஏற்படுத்திய இந்தச் சம்பவம், தற்போது “வெறி ஆயிட்டாரு கேஎன் நேரு” என்ற கேப்ஷனுடன் சமூக வலைத்தளங்களில் வைரலாகி, இணையவாசிகளிடையே பெரும் வரவேற்பைப் பெற்று வருகிறது.