“4 மாத சிசு வயித்துல இருக்கு.. ஒரு நைட்டுக்கு 500 ரூபாய்”… கதறி அழுத பிரபல பாடகி… அவதூறுகளுக்கு கெனிஷா கொடுத்த ‘சரவெடி’ பதில்….!!!

தனக்கு எதிராக இணையத்தில் பரப்பப்படும் அவதூறுகளுக்குப் பதிலடி கொடுக்கும் வகையில் பாடகி கெனிஷா வெளியிட்டுள்ள உருக்கமான வீடியோ சமூக வலைதளங்களில் பெரும் விவாதத்தை ஏற்படுத்தியுள்ளது. தனது கடந்த கால கசப்பான அனுபவங்களைப் பகிர்ந்துகொண்டுள்ள அவர், விமர்சிப்பவர்கள் தன்னைப்பற்றி முழுமையாகத் தெரிந்துகொண்டு பேச வேண்டும் என வலியுறுத்தியுள்ளார். சிறு வயதிலேயே உறவினர்களால் நேர்ந்த பாலியல் துன்புறுத்தல், பெற்றோரின் இழப்பு மற்றும் விவரம் தெரியாத வயதில் நடந்த திருமணம் எனத் தனது வாழ்க்கையின் இருண்ட பக்கங்களை அவர் அந்த வீடியோவில் கண்ணீருடன் விவரித்துள்ளார்.

குறிப்பாக, திருமண வாழ்க்கையில் கணவர் நடத்திய கொடூரமான தாக்குதலால் தனது வயிற்றில் இருந்த நான்கு மாத சிசுவை இழந்த துயரத்தைச் சொல்லும்போது கெனிஷா உடைந்து போயுள்ளார். அந்தத் திருமண உறவில் இருந்து வெளியேறிய பிறகு, பிழைப்பிற்காகப் மதுக்கடைகளில் (Bar) பாடித் தான் உழைத்துச் சம்பாதித்ததாக அவர் வெளிப்படையாகக் கூறியுள்ளார். “ஒரு இரவுக்கு 500 ரூபாய் சம்பளத்தில் நான் கஷ்டப்பட்டு உழைத்தேன், அதில் என்ன தவறு இருக்கிறது?” என்று கேள்வி எழுப்பியுள்ள அவர், தன்னை ஒரு பாலியல் தொழிலாளியாகவோ அல்லது தவறானவளாகவோ சித்தரிப்பவர்களுக்குக் கடும் கண்டனம் தெரிவித்துள்ளார்.

ஜெயம் ரவி (ரவி மோகன்) உடனான தொடர்பு குறித்துப் பரப்பப்படும் வதந்திகளுக்கும் அவர் இந்த வீடியோவில் விளக்கமளித்துள்ளார். தனக்கு நான்கு ஐந்து குழந்தைகள் இருப்பதாகக் கூறுவதும், தனது தந்தையை முதியோர் இல்லத்தில் விட்டதாகப் பரப்பப்படும் தகவல்களும் முற்றிலும் பொய்யானவை என்று அவர் மறுத்துள்ளார். ரவி மோகனைச் சந்தித்தபோது அவர் மனதளவில் பாதிக்கப்பட்டிருந்ததாகவும், அவருக்கு ஒரு தெரபிஸ்ட்டாக (Therapist) ஆலோசனை வழங்கி உதவியதாகவும் கெனிஷா குறிப்பிட்டுள்ளார். ஒரு குழந்தையை வயிற்றில் இழந்த தனக்கு இன்னொருவர் குடும்பத்தைக் கெடுக்கும் எண்ணம் ஒருபோதும் வராது என்றும் அவர் தெளிவுபடுத்தியுள்ளார்.

தங்கள் கண் முன்னால் இருக்கும் தங்களைப் பற்றி எங்கும் ஓடிப் போகாத நிலையில் ஏன் இவ்வளவு தரம் தாழ்ந்த விமர்சனங்களை வைக்கிறீர்கள் என்று அவர் கேள்வி எழுப்பியுள்ளார். மற்றவர்களின் தனிப்பட்ட வாழ்க்கையைப் பற்றிப் பேசுவதை நிறுத்திவிட்டு, அவரவர் வாழ்க்கையில் முன்னேறுவதற்கான வழிகளில் கவனம் செலுத்துங்கள் என்று பொதுமக்களுக்கு அவர் அறிவுறுத்தியுள்ளார். தற்போது கெனிஷாவின் இந்த நீண்ட நெடிய விளக்கம் இணையத்தில் வைரலாகி வருவதோடு, அவருக்கு ஆதரவாகவும் எதிராகவும் பல்வேறு கருத்துகள் பகிரப்பட்டு வருகின்றன.