எப்பவுமே என்னை பாராட்டமாட்டாரு… ஆனா விடுதலை-2 பார்த்துட்டு… அப்பா குறித்து மனம் திறந்த கென் கருணாஸ்..!

தமிழ் சினிமாவின் முன்னணி காமெடி நடிகர்களில் ஒருவராக வலம் வருபவர் நடிகர் கருணாஸ். இவர் நடிகர் மட்டுமல்ல .ஒரு இசையமைப்பாளரும் கூட. அது மட்டும் இல்லாமல் இவர் தமிழக அரசியலிலும் களமிறங்கி கலக்கியவர். சூர்யா நடிப்பில் வெளிவந்த ‘நந்தா’ படத்தில் ‘லொடுக்கு பாண்டி’ என்ற கதாபாத்திரத்தின் மூலம் தான் கருணாஸ் சினிமா உலகில் அறிமுகமானார். இத்திரைப்படத்தில் அவரது கதாபாத்திரம் ரசிகர்கள் மத்தியில் நல்ல வரவேற்பு பெற்றது. அதன் பின்னர் விஜய், அஜித், தனுஷ் என பல முன்னணி நடிகர்களோடு நடித்து தமிழ் சினிமாவின் முன்னணி நகைச்சுவை நடிகர்களில் ஒருவரானார்.

இதைத் தொடர்ந்து வில்லன், புதிய கீதை ,திருமலை, குத்து, பிதாமகன், திருடா திருடி உள்ளிட்ட பல முன்னணி நடிகர்களின் படங்களில் நடித்துள்ளார். மேலும்  திண்டுக்கல் சாரதி, அம்பாசமுத்திரம் அம்பானி, சாந்த மாமா போன்ற திரைப்படங்களில் ஹீரோவாகவும் நடித்துள்ளார். தற்பொழுது இவர் பல்வேறு திரைப்படங்களில் கமிட்டாகி குணச்சித்திர  கதாபாத்திரங்களில் நடித்து வருகிறார். இப்போது அவரின் வாரிசான கென் கருணாஸும் நடிகராக தமிழ் சினிமாவுக்குள் காலடி எடுத்து வைத்துள்ளார். வெற்றிமாறன் இயக்கிய அசுரன் திரைப்படத்தின் மூலம் கென் நடிகராக அறிமுகமானார்.

அந்த படத்தில் அவர் ஏற்று நடித்த சிதம்பரம் கதாபாத்திரத்தை வெகு சிறப்பாக நடித்தார் என்று பாராட்டுகளைப் பெற்றார். தற்போது விஜய் சேதுபதி நடிப்பில் உருவான விடுதலை 2 வில் நடித்துள்ளார். இந்த படத்தில் சூப்பராக நடித்துள்ளார். இந்நிலையில் பேட்டி ஒன்றில் பேசிய இவர், என்னுடைய வாழ்க்கையில் மிக முக்கியமான படமாக விடுதலை 2 படம் மாறுனதுக்கு நான் வெற்றிமாறன் சாருக்கு, இந்த மேடையில் நான் பெரிய நன்றியை சொல்லிக்கிறேன். எனக்கு நிறையபேர் அழைத்து வாழ்த்து சொன்னாங்க. உதவி இயக்குநராக சுத்திட்டு இருந்தேன். வெற்றி சார் ஒருநாள் என்னைக் கூப்பிட்டு, ஒன்னே ஒன்னுதான் சொன்னார். கோவணம் கட்டணும்ன்னு சொன்னார். சரி சார்னு சொன்னேன்.