சினிமாவில் எந்த நடிகையும் பண்ணாததை பண்ணும் கீர்த்தி சுரேஷ்.. வருஷத்துக்கு எத்தனை கோடி சம்பாதிக்கிறாங்களா..?

பிரபல நடிகையான கீர்த்தி சுரேஷ் தமிழில் இது என்ன மாயம் திரைப்படத்தின் மூலம் ஹீரோயினாக தனது பயணத்தை ஆரம்பித்தார். ஆனால் எதிர்பார்த்த அளவு அந்த படம் வரவேற்பை பெறவில்லை. அதன் பிறகு சிவகார்த்திகேயனுக்கு ஜோடியாக ரஜினி முருகன், ரெமோ உள்ளிட்ட படங்களில் நடித்தார்.

இந்த படங்கள் சூப்பர் ஹிட் ஆனது. தனுஷ்க்கு ஜோடியாக தொடரி, விஜய்க்கு ஜோடியாக பைரவா, சூர்யாவுக்கு ஜோடியாக தானா சேர்ந்த கூட்டம் உள்ளிட்ட படங்களிலும் கீர்த்தி சுரேஷ் நடித்துள்ளார். சூப்பர் ஸ்டாரின் அண்ணாத்த திரைப்படத்தில் ரஜினிக்கு தங்கையாக நடித்துள்ளார். தமிழ் மட்டுமில்லாமல் தெலுங்கு திரைப்படங்களிலும் கீர்த்தி சுரேஷ் கவனம் செலுத்தி வருகிறார்.

சமீபத்தில் கீர்த்தி சுரேஷ் நடிப்பில் ரகு தாத்தா திரைப்படம் ரிலீஸ் ஆனது. இந்த நிலையில் கீர்த்தி சுரேஷ் திரையுலகில் தனது பயணத்தை ஆரம்பித்து பத்து ஆண்டுகள் ஆகிவிட்டதாம். அதனை கொண்டாடும் விதமாக தான் நடித்த படங்களின் ஒவ்வொரு தயாரிப்பாளர்களுக்கும் தனித்தனியாக கீர்த்தி சுரேஷ் கடிதம் எழுதி ஒரு சிறிய பரிசையும் கொடுத்துள்ளார். சினிமாவில் இதுபோன்ற எந்த நடிகைகளும் பண்ணியது கிடையாதாம். கீர்த்தி சுரேஷ் பொறுத்தவரை அவர் சமீப காலமாக நிறைய படங்களில் நடிப்பதில்லை.

ஒரு சில படங்களில் குறிப்பிட்ட கதாபாத்திரத்தில் தேர்ந்தெடுத்து நடித்துக் கொண்டிருக்கிறார். அதனை வைத்து பார்க்கும் போது கீர்த்தி சுரேஷ் கடந்த ஆண்டு படங்களில் சம்பாதித்த வருமானம் என்பது 20 கோடி இருக்குமாம் ஆனால் விளம்பரங்கள், இன்ஸ்டாகிராம் போஸ்ட் என அனைத்தையும் வைத்து பார்க்கும் போது கடந்த ஆண்டு மட்டும் கீர்த்தி சுரேஷ் 125 கோடி ரூபாய் சம்பாதித்ததாக கூறப்படுகிறது. இந்த தகவலை வலைப்பேச்சு யூடியூப் சேனலில் கூறியுள்ளனர்.