யார் இந்த மஞ்சுநாத்?… கதறும் அரசுப் பேராசிரியை… தங்கப்பதக்கம் வென்ற பெண்ணின் மரணம்… மாமியார் மீது மருமகன் வெறிச்செயல்…!!

ஓவியம் மற்றும் ஆடை வடிவமைப்பில் பல விருதுகளை வென்ற சரண்யா என்ற பெண், தனது கணவர் மஞ்சுநாத்துடன் ஏற்பட்ட குடும்பத் தகராறு மற்றும் தொடர் துன்புறுத்தல்கள் காரணமாக கடந்த ஆறு மாதங்களுக்கு முன்பு தற்கொலை செய்துகொண்டார். திருமணத்திற்குப் பிறகு தனது கலைப் பயணத்தைத் தொடர விடாமல் கணவர் தடுத்ததே இந்தத் துயரச் சம்பவத்திற்குக் காரணம் என சரண்யாவின் குடும்பத்தினர் குற்றம் சாட்டியுள்ளனர்.

இந்நிலையில், பெங்களூரில் வசிக்கும் தனது ஏழு வயதுப் பேத்தியையாவது பார்த்து ஆறுதல் அடையலாம் என எண்ணி அங்கு சென்ற சரண்யாவின் தாய் கவிதா, தனது மருமகனால் கடுமையாகத் தாக்கப்பட்டுள்ளார். படுகாயமடைந்து மருத்துவமனையில் சிகிச்சை பெற்று வரும் அவர், இறந்த மகளின் ஒரே நினைவாக இருக்கும் பேத்தியைக் காண தனக்கு அனுமதி அளிக்க வேண்டும் எனக் கோரிக்கை விடுத்துள்ளார். இந்தத் தாக்குதல் சம்பவம் தொடர்பாக மஞ்சுநாத் மீது காவல்துறையினர் வழக்குப் பதிவு செய்து தீவிர விசாரணை மேற்கொண்டு வருகின்றனர்.