அக்கா, தங்கை இருவரையும் திருமணம் செய்த நடிகர் கார்த்திக்…! நவரச நாயகன் சர்ச்சை நாயகனாக மாறிய கதை

நடிகர் கார்த்திக், நவரச நாயகன் என்ற பட்டப் பெயருக்கு ஏற்ப, தமிழ் படங்களில் தனது நடிப்பில் நவரச தன்மையை பிரதிபலிக்கும் சிறந்த நடிகர். நடிகர் முத்துராமனின் மகன் என்ற பெருமைக்கு உரியவர். பாரதிராஜா இயக்கத்தில், அலைகள் ஓய்வதில்லை படம் மூலம் தமிழ் சினிமாவுக்குள் வந்தாா். தொடர்ந்து நல்ல கேரக்டர்களில் நடித்து ரஜினி, கமலுக்கு அடுத்தபடியாக சிறந்த நடிகராக பார்க்கப்பட்டார். இவரது அழகில் மயங்கிய கல்லூரி மாணவியர் மற்றும் இளம் பெண்களுக்கு கனவு நாயகனாக இருந்தார்.

ஊட்டியில், சோலைக்குயில் என்ற படத்தில் நடித்த போது அந்த படத்தில் கதாநாயகியாக நடித்த ராகினி என்ற படுகாஸ் இன பெண்ணை காதலித்து திருமணம் செய்துகொண்டார். இவர்களது திருமணத்தை தயாரிப்பாளர் அழகன் தமிழ்மணி நடத்தி வைத்தார். அடுத்த சில ஆண்டுகளில், ராகினியின் தங்கையையும் கார்த்திக் திருமணம் செய்து கொண்டார். ஆனால், இதுபற்றிய தகவல் பல ஆண்டுகள் வெளியில் தெரியவில்லை. ஒரு கட்டத்துக்கு பிறகு மீடியாவில் தகவல் கசிந்த போது, என் முதல் மனைவி ராகினியின் முழு சம்மதத்தோடு, அவரது தங்கையை 2வதாக திருமணம் செய்துகொண்டேன், என ஒத்துக்கொண்டார்.

சினிமாவில் ஏறுமுகத்தில் இருந்த நடிகர் கார்த்திக், நவரச நாயகன் என்ற பெயருக்கு எதிராக சர்ச்சை நாயகன் என்ற நிலைக்கு அவரது குணத்தால், நடவடிக்கைகளால் மாறினார். குறிப்பாக அதிக மதுப்பழக்கம், ஷூட்டிங்குக்கு மணிக்கணக்கில் தாமதமாக வருவது, சில நாட்களில் வராமலேயே ஓட்டலில் இருந்து விடுவது, பெண் நடிகைகள் பலருடன் சகவாசம், நல்ல கதையம்சம் உள்ள படங்களை தேர்ந்தெடுக்க தவறியது, நல்ல பட வாய்ப்புகள் வந்தும் அதை உதாசீனப்படுத்தியது, ஜாதி பெயரால் தன்னை அடையாளப்படுத்திக்கொண்டு கட்சி துவங்கியது என கார்த்திக் செய்த பல தவறுகள், அவரது வாழ்க்கையில் மைனஸ் பாயிண்டுகளாக அமைந்து விட்டன. இப்போது, அவரது மகன் கவுதம் கார்த்திக் நல்ல நடிகராக தமிழ் சினிமாவில் வலம் வருகிறார் என்பது கவனிக்கத்தக்கது.