BREAKING: தமிழகத்திற்கு காவிரி நீர்… அடுத்த 15 நாட்களுக்கு 3,500 கன அடி நீர் திறக்க உத்தரவு…. காவிரி ஆணையத்தின் அதிரடி ஆணை….!

காவிரி மேலாண்மை ஆணையம் தமிழகத்தின் பாசனத் தேவை மற்றும் மேட்டூர் அணையின் தற்போதைய நீர்மட்டத்தைக் கருத்தில் கொண்டு, அடுத்த 15 நாட்களுக்கு வினாடிக்கு 3,500 கன அடி வீதம் காவிரி நீரைத் திறந்து விடுமாறு கர்நாடக அரசுக்கு அதிரடி உத்தரவு பிறப்பித்துள்ளது. காவிரி ஒழுங்காற்று குழு நேற்று அளித்த பரிந்துரையை ஏற்று இன்று முறைப்படியான இந்த உத்தரவைப் பிறப்பித்துள்ள ஆணையம், இதன் மூலம் காவிரி டெல்டா மாவட்டங்களின் விவசாய பாசன தேவையை நிறைவு செய்ய வழிவகை செய்துள்ளது.

வழக்கமாக நீர் பங்கீடு தொடர்பான வழக்குகளும் மோதல்களும் இரு மாநிலங்களுக்கிடையே தொடர்ந்து வரும் நிலையில், தற்போதைய பாசன காலத்தின் அவசியத்தைக் கருதி பிறப்பிக்கப்பட்டுள்ள இந்த உத்தரவு தமிழக டெல்டா பகுதி விவசாயிகளுக்குப் பெரும் நம்பிக்கையையும் நிம்மதியையும் அளித்துள்ளது.