நிலத்தகராறு..! உச்சக்கட்ட பதற்றம்… கொந்தளித்த கிராமம்… நடுரோட்டில் சீறிய பெண்… மிரண்டு போன காவல்துறை… அங்கே நடந்தது என்ன?…!!

உத்தரப் பிரதேச மாநிலம் கன்னோஜ் மாவட்டம், திர்வா காவல் நிலைய எல்லைக்குட்பட்ட நுனாரி கிராமத்தில் நிலத்தகராறு தொடர்பான விசாரணைக்காகக் காவல்துறையினர் சென்றிருந்தனர். அங்கு புகாருக்குள்ளான நபரை விசாரணைக்காகப் பிடித்து அழைத்துச் செல்ல முயன்றபோது, அங்கு திரண்ட உள்ளூர்வாசிகள் காவல்துறையினரின் நடவடிக்கைக்குக் கடும் எதிர்ப்பு தெரிவித்தனர். அப்போது திடீரென ஆக்ரோஷமடைந்த பெண் ஒருவர், பணியில் இருந்த காவலரின் சட்டைக் காலரைப் பிடித்து இழுத்து அவரைத் தாக்க முற்பட்டது அப்பகுதியில் பெரும் பரபரப்பை ஏற்படுத்தியது.

காவல்துறையினரின் பிடியிலிருந்த நபரை வலுக்கட்டாயமாக விடுவிக்கும் நோக்கில் அந்தப் பெண்ணும் அவருடன் இருந்த மற்ற நபர்களும் வாக்குவாதத்தில் ஈடுபட்டுத் தள்ளுமுள்ளு செய்தனர். பொது ஊழியரின் பணிக்கு இடையூறு விளைவித்து, சீருடையில் இருந்த காவலர் மீது அத்துமீறித் தாக்குதல் நடத்திய சம்பவம் தீவிரமடைந்ததைத் தொடர்ந்து, சம்பந்தப்பட்டவர்கள் மீது சட்டப்படி கடும் நடவடிக்கை எடுப்பதற்கான பணிகளைத் திர்வா காவல்துறையினர் மேற்கொண்டு வருகின்றனர்.