இளம் வயதிலேயே உயிரிழந்த பிரபல கன்னட நடிகர்… சோகத்தில் ஒட்டுமொத்த திரையுலகம்… ஆழ்ந்த இரங்கல்..!

34 வயதே ஆன இளம் கன்னட நடிகரின் திடீர் மரணம் திரையுலகினர் மத்தியில் பெரும் அதிர்ச்சியை ஏற்படுத்தியுள்ளது. கன்னட நடிகர் சந்தோஷ் பாலராஜ் பெங்களூரில் உள்ள தனியார் மருத்துவமனையில் நேற்று காலமானார். கடந்த சில வாரங்களாக மஞ்சள் காமாலையால் பாதிக்கப்பட்ட இவர் சிகிச்சை பெற்று வந்த நிலையில் நேற்று சிகிச்சை பலனின்றி இவரது உயிர் பிரிந்தது. கடந்த 2022 ஆம் ஆண்டு சாலை விபத்தில் தந்தை உயிரிழந்த பிறகு சந்தோஷ் பாலராஜ் திருமணம் செய்து கொள்ளாமல் தன்னுடைய தாயுடன் வசித்து வந்தார். இவரின் தந்தை அனேகல் பாலராஜ் திரைப்பட தயாரிப்பாளர்.

இதன் மூலமாக அவர் சந்தோஷை 2009ஆம் ஆண்டு கெம்பா என்ற திரைப்படத்தின் மூலமாக முன்னணி கதாபாத்திரத்தில் திரைத்துறைக்கு அறிமுகம் செய்து வைத்தார். இதனைத் தொடர்ந்து கணபா, ஒலவீனாஓலே, ஜன்மா போன்ற படங்களில் நடித்துள்ளார். கடந்த 2017 ஆம் ஆண்டு கரியா -2 என்ற திரைப்படத்தின் மூலம் இவர் மேலும் அங்கீகாரத்தை பெற்றார். இதுவே இவருடைய கடைசி படமாகவே இருந்தது.