நடிகை கங்கனா ரணாவத்தின் கன்னத்தில் அறைந்த பெண் காவலர்.. நடந்தது என்ன..? வைரலாகும் வீடியோ..

பிரபல நடிகையான கங்கனா ரணாவத் சமீபத்தில் நடந்து முடிந்த மக்களவை தேர்தலில் ஹிமாச்சல் பிரதேசத்தில் இருக்கும் மண்டி தொகுதியில் போட்டியிட்டு வெற்றி பெற்றுள்ளார். பிற்பகல் 3:40 மணிக்கு கங்கனா ரணாவத் சண்டிகரில் இருந்து டெல்லிக்கு திரும்பி சென்றுள்ளார்.
அப்போது விமான நிலையத்தில் பணியில் இருந்த சிஐஎஸ்எப் பெண் காவலர் குல்விந்தர் கவுர் கங்கனா ரணாவத்தின் கன்னத்தில் அறைந்ததாக தெரிகிறது.

விவசாயிகளுக்கு எதிராக கங்கனா தெரிவித்த கருத்துக்களே அதற்கு காரணம் என்ற தகவல் வெளியாகி இருக்கிறது. இது தொடர்பான வீடியோ காட்சிகள் சமூக வலைதளத்தில் வேகமாக பரவி வருகிறது. இது பற்றி கங்கனா ரணாவத் தனது சமூக வலைதள பக்கத்தில் கூறியிருப்பதாவது, நான் நன்றாக இருக்கிறேன். விமான நிலையத்தில் நடைபெற்ற பாதுகாப்பு சோதனையின் போது அந்த சம்பவம் நடைபெற்றது. சோதனை முடிந்த பிறகு நான் சென்றேன். அப்போது அந்த பெண் காவலர் வேறு ஒரு கேபினில் அமர்ந்திருந்தார்.

நான் அவரை கடக்கும்போது அந்தப் பெண் காவலர் என் முகத்தில் அறைந்தார். பின்பு என்னை திட்டினார். ஏன் இப்படி செய்தாய் என கேட்டேன். அதற்கு அவர் விவசாயிகளின் போராட்டத்துக்காக தான் இப்படி செய்தேன் என கூறினார். பஞ்சாபில் பயங்கரவாதம் அதிகரித்து வரும் நிலையில் இதை எப்படி கையாள்வது என்பது எனக்கு கவலை அளிக்கிறது என கங்கனா கூறியுள்ளார். அந்தப் பெண் காவலரை அதிகாரிகள் விசாரித்து வருகின்றனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.