விஜய் குறித்து கமல் கொடுத்த அதிரடி ரியாக்ஷன்… “அதை ஏன் நான் பார்க்கணும்?”… இணையத்தில் தீயாய் பரவும் வீடியோ…!!!

2026 சட்டமன்றத் தேர்தல் களம் சூடுபிடித்துள்ள நிலையில், தமிழக வெற்றிக் கழகத் தலைவர் விஜய் சென்னை பெரம்பூர் தொகுதியில் போட்டியிடப்போவதாக வெளியாகும் தகவல்கள் குறித்து மக்கள் நீதி மய்யம் தலைவர் கமல்ஹாசன் அதிரடியான கருத்தைத் தெரிவித்துள்ளார். சென்னை விமான நிலையத்தில் செய்தியாளர்களைச் சந்தித்த அவரிடம், விஜய்யின் பெரம்பூர் போட்டி குறித்த கேள்வி எழுப்பப்பட்டது.

மேலும் அதற்குப் பதிலளித்த கமல்ஹாசன், “அதை ஏன் நான் பார்க்க வேண்டும்? எனக்கு என் வேலை இருக்கிறது, அதை நான் செய்துகொண்டிருக்கிறேன்” என மிகவும் சுருக்கமாகவும் நேரடியாகவும் பதிலளித்தார். விஜய்யின் அரசியல் வருகை குறித்து பெரிய அளவில் அலட்டிக்கொள்ளாமல், தனது கட்சியின் பணிகளில் கவனம் செலுத்துவதையே அவர் இதன் மூலம் வெளிப்படுத்தியுள்ளார்.

இதனால் தி.மு.க கூட்டணியில் மக்கள் நீதி மய்யம் தொடர்வது குறித்தும் கமல்ஹாசன் சில முக்கிய விளக்கங்களை அளித்தார். தொகுதிப் பங்கீட்டில் கூட்டணி கட்சிகளுக்கு தி.மு.க எண்ணிக்கையைக் குறைத்து வருவது குறித்த கேள்விக்கு, “நாட்டின் நலனுக்காகவே இந்தக் கூட்டணியில் நீடிக்கிறேன்; இதில் எனக்குப் பெரிய லாபம் ஏதுமில்லை” என்று அவர் தெளிவுபடுத்தினார்.

மேலும், வரவிருக்கும் தேர்தலில் புதியவர்களுக்கு அதிக வாய்ப்பளிக்கப்படும் என்றும், ரஜினிகாந்துடன் இணைந்து நடிக்கும் திரைப்படம் தேர்தல் முடிந்த பின்னரே தொடங்கும் என்றும் அவர் குறிப்பிட்டார். கமல்ஹாசனின் இந்த வெளிப்படையான பேச்சுகள் தற்போது தமிழக அரசியல் வட்டாரத்தில் பெரும் விவாதத்தை ஏற்படுத்தியுள்ளன.