வெறும் 6 நாளுக்கு 150 கோடி ரூபாய் சம்பளமா..? PAN இந்தியாவையே அலறவிடும் ஆண்டவர்..

நடிகர் கமல்ஹாசன் இப்போது மிக பிஸியான ஒரு நடிகராக மாறிவிட்டார். இந்தியன் 2, இந்தியன் 3, தக்லைப், பிரபாஸ் நடிக்கும் புராஜெக்ட் கே என சொல்லப்படுகிற கல்கி ஆகிய படங்களில் நடிக்கிறார். இதற்கிடையே வலிமை பட இயக்குநர் எச். வினோத் படத்திலும் நடிக்க திட்டமிட்டுள்ளார். அதாவது மார்ச் மாதம் மணிரத்னம் இயக்கத்தில் தக்லைப் படப்பிடிப்பு துவங்குகிறது. அதே நேரத்தில் எச். வினோத் படப்பிடிப்பையும் துவங்கச் சொல்லி விட்டார். இதில் மணிரத்னம் படத்துக்கு 15 நாள், எச். வினோத் படத்துக்கு 10 நாள் என மாறி மாறி நாட்களை ஒதுக்கி இரண்டு படங்களிலும் ஒரே நேரத்தில் கமல் நடிக்க திட்டமிட்டுள்ளார்.

நடிகர் பிரபாஸ் நடிக்கும் பான் இந்தியா படமான புராஜெக்ட் கே, கல்கி என பெயர் மாற்றம் செய்யப்பட்டுள்ளது. இந்த படத்தில் நடிகர் கமல்ஹாசன் வில்லன் கேரக்டரில் நடிக்கிறார். இவருக்கு இந்த படத்தில் நடிக்க பேசப்பட்ட சம்பளம் ரூ. 150 கோடி ரூபாய். மொத்தம் ஷூட்டிங்கில் அவர் கலந்துக்கொள்ள வேண்டிய நாட்கள் 20 நாட்கள் மட்டுமே. அதாவது ஒருநாள் ஷூட்டிங்கில் கமல் பங்கேற்க பெறுகிற சம்பளம், ரூ. 7.50 கோடி. கடந்த வாரத்தில் கமல் திடீரென 3 நாட்கள் காணாமல் போனார். யாருக்கும் விவரம் தெரியவில்லை. பின்னர் விசாரித்த போது அவர் கல்கி படத்தில் 3 நாட்கள் நடித்துவிட்டு வந்தது தெரிய வந்தது. அதன்படி இன்னும் மீதி 17 நாட்கள் நடிக்க வேண்டும் என்று கூறப்பட்டது.

இதற்கிடையே மீண்டும் 3 நாட்கள் சென்று, கல்கி படத்தில் நடித்துவிட்டு வந்திருக்கிறார். அதாவது 6 நாட்கள் அவர் நடித்து முடித்த நிலையில், மொத்தமே 6 நாட்கள்தான் ஷூட்டிங், கமல் நடிக்க வேண்டிய போர்ஷன் படத்தில் முடிந்துவிட்டது என்றும் தகவல் வந்தது. அப்படி என்றால், 6 நாட்களுக்கு ரூ.150 கோடி கமலுக்கு சம்பளமா என்று பரவலாக பரபரப்பாக பேச்சு எழுந்தது. ஆனால் உண்மையில், 20 நாட்கள்தான் கமல் ஷூட்டிங்கில் பங்கேற்க வேண்டும். கல்கி படத்தை 2 பாகங்களாக எடுக்கின்றனர். முதல் பாகத்தில் கமல் 6 நாட்கள் நடித்தால் போதும். மீதி 14 நாட்கள், கல்கி 2ம் பாகத்தில் அவரை நடிக்க வைக்க படக்குழு திட்டமிட்டுள்ளனர். ரூ. 150 கோடி சம்பளம் கமலுக்கு தருவதால், 2 பாகங்களிலும் கமல் அந்த படத்தில் இடம்பெறும் வகையில் படக்குழு திட்டமிட்டுள்ளது என்ற தகவல் கிடைத்துள்ளது.