குடும்பத் தலைவிகளே… மகளிர் உரிமை தொகைக்கு அப்ளை பண்ணிட்டீங்களா?.. காலையிலேயே வந்த குட் நியூஸ்…!

தமிழகத்தில் முதல்வர் ஸ்டாலின் தலைமையிலான அரசு நடந்து கொண்டிருக்கும் நிலையில் குடும்ப தலைவிகள் அனைவருக்கும் மகளிர் உரிமைத்தொகை வழங்கப்பட்டு வருகிறது. கடந்த 2021 ஆம் ஆண்டு சட்டமன்ற தேர்தலில் திமுக வாக்குறுதியில் குடும்ப தலைவிகளுக்கு மாதம் ஆயிரம் ரூபாய் வழங்கப்படும் என அறிவித்தது. அதன்படி தமிழ்நாட்டில் கலைஞர் மகளிர் உரிமைத்தொகை திட்டம் 2023 ஆம் ஆண்டு செப்டம்பர் மாதம் செயல்படுத்தப்பட்டது. இந்தத் திட்டத்தின் கீழ் தகுதி உள்ள பெண்கள் அனைவருக்கும் ஒவ்வொரு மாதமும் வங்கிக் கணக்கில் ஆயிரம் ரூபாய் வரவு வைக்கப்பட்டு வருகிறது. அதேசமயம் தகுதியான விடுபட்ட பெண்களுக்கும் உரிமை தொகை வழங்கப்படும் என கடந்த சட்ட சபை கூட்டத்தில் முதல்வர் ஸ்டாலின் அறிவித்திருந்தார்.

இதனைத் தொடர்ந்து கடந்த ஜூலை 15ஆம் தேதி முதல் விடுபட்டவர்களுக்கு மகளிர் உரிமைத்தொகை வழங்குவதற்கான விண்ணப்பம் பெறப்பட்டு வருகின்றது. இந்த திட்டத்தில் இணைய குடும்ப தலைவிகள் ஆர்வமாக விண்ணப்பித்து வருகிறார்கள். ஜூலை 15 முதல் தற்போது வரை ஒரு லட்சத்திற்கும் அதிகமானோர் புதிதாக விண்ணப்பித்துள்ளனர்.  உங்களுடன் ஸ்டாலின் முகாம்களில் மட்டுமே விண்ணப்பங்கள் பெறப்பட்டு வருகின்றன. அந்த வகையில் உங்கள் பகுதியில் எங்கு முகம் நடைபெறுகிறது என்பதை https://ungaludanstalin.tn.gov.in என்ற இணையதளத்தில் அறிந்து கொள்ளலாம். இதில் முகாம் நடைபெறும் இடத்தை கண்டறிந்து உடனே விண்ணப்பியுங்கள் குடும்ப தலைவிகளே.