இது வெட்கக்கேடு!… அதிர்ந்த டோலிவுட்… ஜான்வி கபூர் – என்.டி.ஆர் ஆபாச வீடியோ விவகாரம்… களத்தில் இறங்கிய சைபர் கிரைம் போலீஸ்…!!

சமீபத்தில் வெளியான ‘தேவரா’ திரைப்படத்தில் இடம்பெற்ற ‘சுட்டமல்லே’ பாடலின் காட்சிகளை, செயற்கை நுண்ணறிவு தொழில்நுட்பத்தின் மூலம் ஆபாசமாக மாற்றி சிலர் சமூக வலைத்தளங்களில் பரப்பியுள்ளனர். தமக்கும் நடிகை ஜான்வி கபூருக்கும் இடையிலான இந்தப் பாடலின் ‘டீப்ஃபேக்’ வீடியோவைக் கண்டு கடும் கண்டனம் தெரிவித்துள்ள நடிகர் ஜூனியர் என்.டி.ஆர், பெண்களைத் தெய்வமாக மதிக்கும் ஒரு தேசத்தில் இத்தகைய அருவருக்கத்தக்கச் செயல்களில் ஈடுபடுவது மிகவும் வெட்கக்கேடானது என்று கடுமையாக சாடியுள்ளார்.

இந்தப் போலி வீடியோவை உருவாக்கிய கயவர்கள் மற்றும் அதனை சமூக வலைத்தளங்களில் தொடர்ந்து பகிர்ந்தவர்கள் மீது மிகக் கடுமையான சட்ட நடவடிக்கை எடுக்கப்படும் என அவர் எச்சரிக்கை விடுத்துள்ளார். மேலும், மக்கள் யாரும் இதுபோன்று தொழில்நுட்பத்தைத் தவறாகப் பயன்படுத்தி உருவாக்கப்படும் வீடியோக்களைப் பார்க்கவோ, பரப்பவோ வேண்டாம் என்றும் அவர் கேட்டுக்கொண்டுள்ளார். “இன்று வேறொருவருக்கு நடப்பது, நாளை உங்கள் வீட்டில் உள்ள பெண்களுக்கும் நடக்கலாம்” என அதன் தீவிரத்தை அவர் சுட்டிக்காட்டியுள்ளார்.

இது வெறும் தனிநபர் சார்ந்த பிரச்சனை அல்ல, டிஜிட்டல் உலகில் பாதுகாப்பு குறித்த மாபெரும் சவால் என்று கூறியுள்ள ஜூனியர் என்.டி.ஆர், இது தொடர்பாக அரசுகள் விரைந்து செயல்பட வேண்டும் என்று கோரிக்கை வைத்துள்ளார். செயற்கை நுண்ணறிவுத் தொழில்நுட்பத்தை இத்தகைய மோசமான நோக்கங்களுக்காகப் பயன்படுத்துவதைத் தடுக்கும் வகையில், மத்திய மற்றும் மாநில அரசுகள் உடனடியாக மிகக் கடுமையான சட்டங்களையும், புதிய கட்டுப்பாடுகளையும் கொண்டுவர வேண்டும் என அவர் வலியுறுத்தியுள்ளார்.