அடடே… ITI-யில் சேரும் மாணவர்களுக்கு ஜாக்பாட்… மாதம் ரூ 30,000 சம்பளத்தில் வேலை உறுதி… தமிழக அரசு அதிரடி அறிவிப்பு… உடனே அப்ளை பண்ணுங்க…!

தமிழ்நாட்டில் உள்ள அரசு மற்றும் தனியார் தொழிற்பயிற்சி நிலையங்களில் 2026-2027ஆம் ஆண்டுக்கான கலந்தாய்வு அவகாசம் நிறைவடைந்த நிலையில், மாணவர்களின் நலன் கருதி நேரடி சேர்க்கைக்கான கால அவகாசம் ஆகஸ்ட் 31 வரை நீட்டிக்கப்பட்டுள்ளது. விருப்பமுள்ள மாணவர்கள் கல்விச் சான்றிதழ்களுடன் தொழிற்பயிற்சி நிலையங்களுக்கு நேரடியாகச் சென்று தங்களுக்கு விருப்பமான பிரிவைத் தேர்ந்தெடுத்துச் சேர்ந்து கொள்ளலாம். திறன்மிகு தொழிலாளர்களின் தேவை அதிகரித்து வருவதால், இப் பயிற்சியை முடிக்கும் 95% பேருக்கு முன்னணி தொழிற்சாலைகளில் வேலைவாய்ப்பு கிடைக்கிறது.

இப் படிப்பை முடிப்பவர்களுக்கு அவர்களின் திறனுக்கேற்ப மாதம் ரூ. 20,000 முதல் ரூ. 30,000 வரை ஊதியம் கிடைக்கும். மேலும், பயிற்சி பெறும்போது தமிழ் மற்றும் ஆங்கில மொழிகளில் தனித் தேர்வராக தேர்ச்சி பெற்று 10 மற்றும் 12-ஆம் வகுப்பு சான்றிதழ்களையும் பெற முடியும். இதன் மூலம் பாலிடெக்னிக் கல்லூரிகளில் நேரடியாக இரண்டாம் ஆண்டில் சேர்ந்து, வேலை பார்த்துக்கொண்டே மேற்படிப்பைத் தொடரும் வாய்ப்பும் மாணவர்களுக்கு வழங்கப்படுகிறது.

தொழிற்பயிற்சியில் சேரும் மாணவர்களுக்கு பயிற்சிக் கட்டணம் முழுவதும் இலவசம் என்பதோடு, மாதந்தோறும் ரூ. 750 உதவித்தொகையும் வழங்கப்படும். அரசுப் பள்ளிகளில் பயின்ற மாணவர்களுக்கு ‘தமிழ்ப் புதல்வன்’ மற்றும் ‘புதுமைப்பெண்’ திட்டங்களின் கீழ் கூடுதலாக ரூ. 1000 ஊக்கத்தொகை கிடைக்கிறது. இதுமட்டுமின்றி விலையில்லா மிதிவண்டி, சீருடை, காலணிகள், கருவிகள், இலவசப் பேருந்து வசதி மற்றும் சில நிலையங்களில் விடுதி வசதியும் அரசால் வழங்கப்படுகிறது.