எம்ஜிஆரிடம் ரூம் கேட்ட ஜெயலலிதா.. தவறாக எழுதிய பத்திரிக்கையாளர்.. கடும் கோபத்தில் MGR செய்த செயல்..!

தமிழ் சினிமாவில் அசைக்க முடியாத சக்தியாக விளங்கியவர் தான் நடிகர் எம் ஜி ஆர். நாடக நடிகராக இருந்து சினிமாவில் துணை நடிகராக அறிமுகமாகி அதன் பிறகு பல தடைகளை கடந்து நாயகனாக மாறியவர். ஒரு கட்டத்தில் தமிழ் சினிமாவில் முக்கிய முன்னணி நட்சத்திரமாக ஜொலித்தார். யார் தயாரிப்பாளராக இருந்தாலும் இந்த படம் தொடர்பான முடிவை தானே எடுக்கும் வல்லமையுடன் வளம் வந்தவர் எம்ஜிஆர். அதுமட்டுமல்லாமல் பல நடிகர்கள் மற்றும் பொதுமக்களுக்கு தன்னால் முடிந்த அளவுக்கு உதவிகளை செய்துள்ளார். படபிடிப்பு தளத்தில் அனைவருக்கும் சமமான உணவு வழங்க வேண்டும் என்ற நடைமுறையை கொண்டு வந்தவர் எம்ஜிஆர் தான்.

இந்த நிலையில் 1960 மற்றும் 70 காலகட்டத்தில் கண்ணதாசன் எம் ஜி ஆர் ஐ கடுமையாக விமர்சனம் செய்தார். அப்போது எம்ஜிஆர் மற்றும் மஞ்சுளா ஒன்றாக இணைந்து நடித்த ஒரு படத்தின் படப்பிடிப்பு காஷ்மீரில் நடந்துள்ளது. அதே சமயத்தில் சிவாஜி மற்றும் ஜெயலலிதா ஒன்றாக நடித்த ராஜா படத்தின் ஷூட்டிங் நடைபெற்று உள்ளது. அப்போது தயாரிப்பு நிறுவனம் ஜெயலலிதாவிற்கு தனி அறை கொடுத்துள்ளனர். ஆனால் அந்த அறை பிடிக்காத ஜெயலலிதா, உடனே எம்ஜிஆரிடம் சொல்ல அவரும் பைவ் ஸ்டார் ஓட்டலில் ஜெயலலிதாவிற்கு ரூம் புக் பண்ணி கொடுத்துள்ளார்.

தமிழ்நாட்டில் இருந்து செய்தி சேகரிப்பதற்காக காஷ்மீருக்கு அழைத்துச் செல்லப்பட்ட பத்திரிக்கையாளர் ஒருவர், எம்ஜிஆர் மஞ்சுளா கூட நடிக்கிறார் ஆனால் சிவாஜியுடன் நடிக்கும் ஜெயலலிதாவிற்கு எதற்கு ரூம் புக் பண்ணி தரணும் என்று கேள்வி எழுப்பும் வகையில் எழுதியுள்ளார். இதைப் படித்த எம்ஜிஆர், கோபத்தின் உச்சத்திற்கு சென்றுள்ளார். பிறகு கொஞ்ச நாள் கழித்து அந்த பத்திரிக்கையாளரை சந்தித்தபோது தனியறைக்கு கூட்டிச் சென்று எம்ஜிஆர் தர்ம அடி கொடுத்துள்ளார்.

எம்ஜிஆர் மற்றும் ஜெயலலிதா பற்றி இவ்வாறு தவறாக எழுதியவர் கண்ணதாசனின் நெருங்கிய உறவினர் என்பதால் உடனே எம்ஜிஆர் தன்னை அடித்தது பற்றி கண்ணதாசனிடம் சென்று அவர் கூறியுள்ளார். ஆனால் அவர் எம்ஜிஆர் ஜெயலலிதாவுக்கு ரூம் புக் பண்ணி கொடுத்தது அவங்க தனிப்பட்ட விஷயம் அதெல்லாம் ஏன் எழுதுற என்று அவரை கண்டித்துள்ளார். அது மட்டுமல்லாமல் எம்ஜிஆரை என்னதான் விமர்சித்தாலும் கண்ணதாசன் அவருடைய உடல்நிலை மீது மிகுந்த அக்கறை கொண்டிருந்தார்.