“பாஜகவை சீண்டாதீங்க, நமக்கு இவங்க தான் டார்கெட்”… விஜய்யை திசை திருப்பிய அரசியல் பிரபலம்…. ஆடிப்போன தவெக தொண்டர்கள்….!

தமிழக வெற்றிக் கழகத்தின் தலைவரான நடிகர் விஜய், தனது அரசியல் பயணத்தின் தொடக்கத்தில் ‘பாஜக எங்களது கொள்கை எதிரி’ என்று அறிவித்து பல்வேறு மேடைகளில் விமர்சித்து வந்தார். இதனால் அவர் மீது சிபிஐ விசாரணை மற்றும் அவரது திரைப்படங்களுக்கு ஏற்பட்ட நெருக்கடிகள் எனப் பல்வேறு சிக்கல்கள் எழுந்ததாக அரசியல் வட்டாரங்களில் பேசப்பட்டது. இந்நிலையில், விஜய்யின் சமீபத்திய அரசியல் நிலைப்பாட்டில் ஒரு மாற்றம் தென்படுவது பலரது கவனத்தை ஈர்த்துள்ளது.

சமீபத்தில் சென்னையில் நடைபெற்ற ஆந்திர முன்னாள் முதல்வர் ஜெகன்மோகன் ரெட்டியின் குடும்பத் திருமண விழாவில் விஜய் கலந்து கொண்டார். அப்போது இருவரும் அரசியல் நிலவரங்கள் குறித்து ஆலோசித்ததாகக் கூறப்படுகிறது. அந்தச் சந்திப்பின் போது, தமிழக வெற்றிக் கழகம் ஒரு மாநிலக் கட்சி என்பதால், தேவையற்ற சிக்கல்களைத் தவிர்க்கும் பொருட்டு பாஜகவை விமர்சிப்பதைக் குறைத்துக் கொள்ளுமாறு ஜெகன்மோகன் ரெட்டி விஜய்க்கு அறிவுரை வழங்கியதாகத் தெரிகிறது.

ஜெகன்மோகன் ரெட்டியின் இந்த ஆலோசனையைத் தொடர்ந்து, சேலத்தில் நடைபெற்ற பொதுக்கூட்டத்தில் பேசிய விஜய், தற்போது நடப்பது சட்டசபை தேர்தல் என்பதால் ஆட்சியில் இருக்கும் திமுகவை மட்டுமே பிரதானமாக விமர்சிக்க வேண்டும் என்றும், மற்றவர்களைப் பற்றிப் பேசத் தேவையில்லை என்றும் குறிப்பிட்டார். இது அவர் தேசிய அரசியலை விட மாநில அரசியலில் மட்டும் கவனம் செலுத்தப் போவதைக் காட்டுகிறது.

இந்த வியூக மாற்றத்தின் பின்னணியில், தேர்தல் முடியும் வரை பாஜகவைச் சீண்டாமல் இருப்பது கட்சிக்கு நல்லது என்று விஜய் முடிவெடுத்திருப்பதாக அரசியல் விமர்சகர்கள் கருதுகின்றனர். இதன் மூலம் அரசு ரீதியான நெருக்கடிகளைக் குறைத்து, தங்களின் முழு கவனத்தையும் திமுகவிற்கு எதிரான தேர்தல் களத்தில் திருப்ப தவெக திட்டமிட்டுள்ளது உறுதியாகிறது.