“என் பொண்டாட்டி செத்துட்டா” 2 வருஷம் தேடிய கணவர்… ஒரு OTP-யால் அம்பலமான மனைவியின் ரகசியம்… தற்கொலை செய்யப்போன இடத்தில் மலர்ந்த காதல்.. உ.பி-யை உலுக்கிய சினிமா பாணி சம்பவம்..!!

உத்தரப்பிரதேச மாநிலம் பஸ்தி மாவட்டத்தில், சினிமா படக்கதையை மிஞ்சும் வகையில் ஒரு வினோதமான உண்மை வெளிச்சத்திற்கு வந்துள்ளது. கப்தங்கஞ்ச் காவல் எல்லைக்குட்பட்ட பில்காவ் கிராமத்தைச் சேர்ந்த பிரியங்கா என்ற பெண், கடந்த 2024 ஜூலை மாதம் தனது மகனுடன் மாயமானார். மனைவியைக் காணவில்லை என்றும், அவர் கொலை செய்யப்பட்டிருக்கலாம் என்றும் கணவர் சந்தீப் போலீசில் புகார் அளித்திருந்தார். இரண்டு ஆண்டுகளாக எந்தத் தடயமும் கிடைக்காமல் திணறி வந்த போலீசாருக்கு, பிரியங்காவின் மொபைல் எண்ணிற்கு வந்த ஒரு OTP (One Time Password) ஒட்டுமொத்த வழக்கையுமே திசைதிருப்பியது. அந்த எண்ணை வைத்துத் தேடியபோது, பிரியங்கா உயிருடன் இருப்பது உறுதி செய்யப்பட்டது.