வில்லன் கதாபாத்திரத்தில் மிரட்டிய பொன்னம்பலம் இயக்கிய படமா இது..! இத்தனை நாளா இது தெரியாம போச்சே..

தமிழ் சினிமாவின் பிரபல வில்லன் நடிகராக வலம் வருபவர் நடிகர் பொன்னம்பலம். இவர் முதன் முதலில் ஸ்டண்ட் மேனாக தனது திரைப்பயணத்தை தொடங்கினார். இதன்பின் அபூர்வ சகோதரர்கள், நாட்டாமை உள்ளிட்ட பல திரைப்படங்களில்  வில்லன் கதாபாத்திரத்தில் நடித்து அசத்தியுள்ளார்.

இவர் தனது உடல் அமைப்பு மற்றும் கம்பீரமான பேச்சால் படங்களில் வில்லன் கதாபாத்திரத்தில் நடித்து மக்கள் மற்றும் சினிமா வட்டாரங்களில் பலத்த வரவேற்பை பெற்றார். 1988 ல் வெளியான ‘கலியுகம்’ திரைப்படத்தில் ஜெயில் கைதியாக ஒரு சிறு கதாபாத்திரத்தில் அறிமுகமானார்.

 

இவர் தற்பொழுது வரை கிட்டத்தட்ட நூற்றுக்கும் மேற்பட்ட திரைபடங்களில் நடித்துள்ளார். சில ஆண்டுகளுக்கு முன் விஜய் டிவியில் ஒளிபரப்பான பிக் பாஸ் சீசன் 2 நிகழ்ச்சியில் கலந்து கொண்டார். சமீப காலமாக உடல் நலக்குறைவு ஏற்பட்டு நடிகர் பொன்னம்பலம் சிகிச்சை பெற்று வருகிறார். அவருக்கு பல்வேறு திரைபிரபலங்களும் உதவி செய்து வருகின்றனர்.

நம்மில் பலருக்கு நடிகர் பொன்னம்பலத்தை மிரட்டும் வில்லனாக மட்டுமே தெரியும். ஆனால் அவர் ஒரு இயக்குனர் என்பது பலரும் அறியாத தகவலே. நடிகர் பொன்னம்பலம் ‘பட்டைய கிளப்பு’ எனும் திரைப்படத்தை 2008ல் இயக்கி வெளியிட்டார். இவர் இயக்கிய முதல் மற்றும் கடைசி திரைப்படமும் இது தான் என்பது குறிப்பிடத்தக்கது.