வரிசையாக தோல்வி படம்.. 2 ஆண்டு பீல்ட் அவுட்.. இருந்தும் SK படத்திற்கு 20 கோடி சம்பளம் கேட்பது ஏன்.?

தமிழ் திரை உலகிற்கு பல வெற்றி படங்களை கொடுத்து முன்னணி இயக்குனராக வலம் வந்து சில காலமாக தோல்வியை மட்டும் தழுவி நீண்ட இடைவெளிக்குப் பிறகு சிவகார்த்திகேயனை வைத்து இயக்கும் படத்திற்கு ஏ ஆர் முருகதாஸ் அவர்கள் வாங்கிய சம்பளம் சர்ச்சை பேச்சாக மாறியுள்ளது. 2002 ஆம் ஆண்டு தமிழ் திரை உலகிற்கு “அஜித்தை” வைத்து ஏ ஆர் முருகதாஸ் அவர்கள் இயக்கி மாபெரும் வெற்றியை கொடுத்து ரசிகர்கள் மத்தியில் யார் இந்த இயக்குனர் என்ற கேள்வி எழுப்பும் விதமாக உருவாகிய படம்தான் “தீனா”,

இப்பட வெற்றியை கண்ட பல நடிகர்கள் தங்களின் கால் சீட்டை ஏ ஆர் முருகதாஸிடம் கொட்டி கொடுத்தார்கள். இவரிடம் படம் நடிப்பதற்காக பல பேர் வரிசையில் நின்று கொண்டிருந்தார்கள். அந்த சமயத்தில் தான் தமிழகத்தின் செல்லப் பிள்ளையான கேப்டன் விஜயகாந்த் அவர்களை வைத்து 2003 ஆண்டு “ரமணா” என்ற படத்தை இயக்கி மீண்டும் திரையை ஒரு கலக்கு கலக்கி இருப்பார். அதில் வரும் சமூக அக்கறையும் மக்களின் அறியாமையையும் எடுத்துக்காட்டிருப்பார். அதன் பின்னதாக மாபெரும் நடிகர்களை வைத்து இயக்கி மாபெரும் வெற்றிகளை குவித்துக் கொண்டிருந்தார்.

சிவகார்த்திகேயன் 23 வது படத்தை ஏ ஆர் முருகதாஸ் அவர்கள் தான் இயக்க உள்ளார். இப்படத்தில் இவருக்கு சம்பளம் 20 கோடி அளவில் கேட்டுள்ளார். தயாரிப்பு நிறுவனம் இதற்கு ஓகே சொல்லி சம்பளத்தை தந்துள்ளார்கள். இந்த தகவலை தெரிந்த பல ரசிகர்களும் பல வருடங்களாக தோல்வி படங்களை கொடுத்து நீண்ட இடைவெளிக்குப் பிறகு மீண்டும் இயக்க வந்தவருக்கு எப்படி இவ்வளவு சம்பளம் கொடுக்கலாம் என்று பல சர்ச்சைகள் பேச்சுடன் எழுந்துள்ளது, ஆனால் இதற்கு முன்னால் அவர் கொடுத்த மாபெரும் படைப்புகளை மறந்து விட்டீர்களா என்று பலரும் பேசி வருகிறார்கள். இப்படிப்பட்ட படைப்புகளை கொடுத்தவருக்கு 20 கோடி என்பது சரியாகத்தான் இருக்கும் என்று சமூக வலைதளங்களில் ஏ ஆர் முருகதாஸுக்கு ஆதரவை தெரிவித்து வருகிறார்கள்.