“டிரம்பிற்கு ஈரான் கொடுத்த மரண அடி”… ‘நாங்கள் சரணடைய மாட்டோம், நீங்கள் தான் வருத்தப்படுவீர்கள்’.. பேரழிவை சந்திக்கும் உலகம்.. அதிரும் போர்க்களம்…!

ஈரான் மீதான அமெரிக்கா மற்றும் இஸ்ரேலின் தாக்குதல் ஒரு மாதத்தைக் கடந்து தீவிரமடைந்துள்ள நிலையில், மத்திய கிழக்கு பிராந்தியம் முன்னெப்போதும் இல்லாத போர்க்களமாக மாறியுள்ளது. அணு ஆயுதம் வைத்திருப்பதாகக் கூறித் தொடங்கப்பட்ட இந்தப் போரில், ஈரான் மற்றும் இஸ்ரேலின் முக்கிய நகரங்கள் பெரும் சிதைவைச் சந்தித்துள்ளன. அமெரிக்க அதிபர் டொனால்ட் டிரம்ப், ஈரானின் ராணுவக் கட்டமைப்பு வீழ்த்தப்பட்டுவிட்டதாகவும், இன்னும் சில வாரங்களில் போர் முடிவுக்கு வரும் என்றும் நம்பிக்கைத் தெரிவித்து வருகிறார். ஆனால், இதற்குப் பதிலடி கொடுத்துள்ள ஈரான் ராணுவம், அமெரிக்கா தனது ராணுவத் திறனை குறைத்து மதிப்பிட்டுவிட்டதாக எச்சரித்துள்ளதுடன், அமெரிக்கா நிரந்தரமான வருத்தத்திற்கு ஆளாகி சரணடையும் வரை இந்தப் போர் ஓயாது என அதிரடியாக அறிவித்துள்ளது.

இந்தப் போரின் தாக்கம் தற்போது வளைகுடா நாடுகளுக்கும் பரவி, உலகளாவிய பொருளாதார நெருக்கடியை ஏற்படுத்தியுள்ளது. அமெரிக்காவிற்கு ஆதரவாகச் செயல்படும் துபாய், சவுதி அரேபியா, அபுதாபி மற்றும் பஹ்ரைன் போன்ற நாடுகளின் எண்ணெய் கிணறுகளைக் குறிவைத்து ஈரான் இடைவிடாத ட்ரோன் தாக்குதல்களை நடத்தி வருகிறது. மேலும், உலக கச்சா எண்ணெய் போக்குவரத்தின் முக்கிய பாதையான ஹோர்மூஸ் நீரிணையை (Strait of Hormuz) ஈரான் தனது முழுக் கட்டுப்பாட்டிற்குள் கொண்டு வந்துள்ளது. அங்கு வரும் கப்பல்களைத் தடுத்து நிறுத்தியும், தாக்குதல்கள் நடத்தியும் ஈரான் முடக்கி வருவதால், வளைகுடா நாடுகளிலிருந்து வெளிநாடுகளுக்குச் செல்லும் கச்சா எண்ணெய் விநியோகம் முற்றிலுமாகத் துண்டிக்கப்பட்டுள்ளது.

இந்த போர்ச் சூழலால் இந்தியா உள்ளிட்ட நாடுகள் கடுமையான எரிபொருள் தட்டுப்பாட்டைச் சந்தித்து வருகின்றன. கடந்த சில நாட்களாக இந்தியாவில் பெட்ரோல், டீசல் தட்டுப்பாடு அதிகரித்துள்ளதுடன், குறிப்பாக வணிக ரீதியிலான கேஸ் சிலிண்டர்கள் கிடைப்பதில் பெரும் சிக்கல் ஏற்பட்டுள்ளது. இதன் நேரடி விளைவாக, உணவகங்களை நடத்தத் தேவையான எரிபொருள் இல்லாததால், நாடு முழுவதும் பல ஹோட்டல்கள் மூடப்படும் நிலைக்குத் தள்ளப்பட்டுள்ளன. போரின் தீவிரம் குறையாத பட்சத்தில், இந்தப் பாதிப்பு சாதாரண மக்களின் அத்தியாவசியத் தேவைகளிலும் பெரும் விலை உயர்வை ஏற்படுத்தும் எனப் பொருளாதார வல்லுநர்கள் அச்சம் தெரிவித்துள்ளனர்.