ஈரானை பார்த்து நடுங்கிய டிரம்ப்… சொந்த விமானங்களையே சுட்டு வீழ்த்திய அமெரிக்கா… வெளியான பகீர் தகவல்….!

ஈரான் மற்றும் அமெரிக்கா இடையிலான போர் தீவிரமடைந்துள்ள நிலையில், ஈரானுக்குள் விழுந்த அமெரிக்க விமானியை மீட்கும் அதிரடி நடவடிக்கையில் அமெரிக்கா தனது சொந்த போர் விமானங்களையே சுட்டு வீழ்த்திய சம்பவம் பெரும் பரபரப்பை ஏற்படுத்தியுள்ளது. அதிநவீன எஃப்-15 (F-15) போர் விமானம் ஈரானால் சுட்டு வீழ்த்தப்பட்டபோது, அதிலிருந்த ஒரு விமானி மலைப்பாங்கான காட்டுப்பகுதியில் விழுந்தார். அவரைப் பிடிக்க ஈரான் ராணுவம் தீவிரமாக முயன்ற நிலையில், அமெரிக்கப் படைகள் வான்வழியாகப் பெரும் தாக்குதலை நடத்தி, ஹாலிவுட் பட பாணியில் அந்த விமானியைப் பத்திரமாக மீட்டன.

இந்த மீட்புப் பணியில் HH-60W ஹெலிகாப்டர்கள் மற்றும் F-35 ரக விமானங்கள் எனப் பல அதிநவீன இயந்திரங்கள் பயன்படுத்தப்பட்டன. மீட்பு நடவடிக்கை வெற்றிகரமாக முடிந்ததாக டொனால்ட் டிரம்ப் அறிவித்தாலும், இந்த ஆபரேஷனின் போது அமெரிக்காவுக்குப் பெரும் பின்னடைவு ஏற்பட்டுள்ளது. மீட்புப் பணியில் ஈடுபட்டிருந்த இரண்டு MC-130J ரக விமானங்கள் தொழில்நுட்பக் கோளாறு அல்லது ஈரான் படைகளின் சுற்றிவளைப்பு காரணமாகச் சிக்கலில் சிக்கின. அந்த விமானங்கள் ஈரானின் கைகளில் கிடைத்துவிடக்கூடாது என்பதற்காக, அமெரிக்கப் படைகளே அவற்றைச் சுட்டு வீழ்த்தி அழித்துள்ளன.

அமெரிக்க அதிகாரி ஒருவர் அளித்துள்ள தகவலின்படி, ஈரானின் பிடியில் அமெரிக்கத் தொழில்நுட்பங்கள் சிக்காமல் இருக்கவே இந்தத் தீவிர முடிவு எடுக்கப்பட்டதாகத் தெரிகிறது. இதற்கிடையே, ஈரானிய நாடாளுமன்ற சபாநாயகர் காலிபாஃப், அமெரிக்கா தனது சொந்த விமானங்களையே அழித்துக் கொண்டதைச் சுட்டிக்காட்டி, உடைந்த பாகங்களின் புகைப்படங்களை வெளியிட்டு எள்ளிநகையாடியுள்ளார். மேலும், அமெரிக்காவின் ஏழு போர் விமானங்களை ஈரான் படைகள் அழித்துள்ளதாக ஈரான் ஊடகங்கள் செய்தி வெளியிட்டு வருகின்றன, ஆனால் அமெரிக்கா இதை இன்னும் அதிகாரப்பூர்வமாக உறுதிப்படுத்தவில்லை.

ஹார்முஸ் ஜலசந்தியைத் திறக்க வேண்டும் என்ற அமெரிக்காவின் மிரட்டலை ஈரான் தொடர்ந்து நிராகரித்து வருவதால், இரு நாடுகளுக்கும் இடையிலான மோதல் ஒரு மாதத்தைக் கடந்தும் தணியாமல் உள்ளது. ஒரு விமானியை மீட்க அமெரிக்கா தனது சொந்த போர் விமானங்களையே பலிகொடுத்த சம்பவம், போர்க்களத்தில் ஈரான் கொடுத்து வரும் கடும் நெருக்கடியைப் பிரதிபலிக்கிறது. சர்வதேச அளவில் பதற்றத்தை ஏற்படுத்தியுள்ள இந்தப் போர், அடுத்தகட்டமாக எத்தகைய திருப்பங்களைச் சந்திக்கும் என்பது உலக நாடுகளின் கவலையாக மாறியுள்ளது.