ஈரான் மற்றும் அமெரிக்கா-இஸ்ரேல் இடையேயான போர் பதற்றம் காரணமாக, ஐரோப்பிய நாடுகளில் கடுமையான எரிவாயு (LNG) தட்டுப்பாடு ஏற்படும் அபாயம் உருவாகியுள்ளது. குறிப்பாக, மத்திய கிழக்கு நாடுகளில் நிலவும் மோதல் சூழலால் கச்சா எண்ணெய் மற்றும் இயற்கை எரிவாயு ஏற்றுமதி கடுமையாகப் பாதிக்கப்பட்டுள்ளது. இதன் விளைவாக, ஐரோப்பாவின் பல நாடுகள் எரிசக்தி நெருக்கடியைச் சந்தித்து வருவதோடு, வரும் நாட்களில் இந்த நிலைமை மேலும் மோசமடையக்கூடும் என்று சர்வதேச அரசியல் ஆய்வாளர்கள் எச்சரிக்கின்றனர்.
இந்த நெருக்கடியின் ஒரு பகுதியாக, ஐரோப்பாவின் மால்டோவா நாட்டில் உள்ள ட்ரான்ஸ்னிஸ்ட்ரியா (Transnistria) பிராந்தியத்தில் எரிவாயு விநியோகம் பெரும் சரிவைச் சந்தித்துள்ளது. ரஷ்ய ஆதரவு பெற்ற இப்பகுதிக்கு நீண்டகாலமாக இலவசமாக வழங்கப்பட்டு வந்த எரிவாயு விநியோகம், தற்போது நிலவும் போர்ச் சூழலால் தடைபட்டுள்ளது. அங்குள்ள பொருளாதார மேம்பாட்டு அமைச்சகம், எரிவாயு இருப்பில் கடும் பற்றாக்குறை நிலவுவதாகவும், வணிகப் பயன்பாட்டிற்கான எரிவாயு விநியோகத்தில் கடுமையான கட்டுப்பாடுகள் விதிக்கப்பட்டுள்ளதாகவும் அதிகாரப்பூர்வமாக அறிவித்துள்ளது.
உலகளாவிய எரிவாயு உற்பத்தியில் ஐந்தில் ஒரு பங்கைக் கொண்டுள்ள கத்தார் நாடு, போர் பதற்றம் காரணமாக தனது உற்பத்தியை நிறுத்தியுள்ளதாகத் தகவல்கள் தெரிவிக்கின்றன. இதனால் சர்வதேச சந்தையில் எல்.என்.ஜி சப்ளை சுமார் 20 சதவீதம் வரை குறைந்துள்ளது. கத்தாரின் இந்தத் திடீர் பின்வாங்கலால் ஜெர்மனி முதல் இங்கிலாந்து வரை பல ஐரோப்பிய நாடுகளில் எரிவாயு விலை கிடுகிடுவென உயர்ந்துள்ளது. மாற்று ஏற்பாடாக அமெரிக்காவிடம் இருந்து எரிவாயுவைப் பெற முடியும் என்றாலும், அதன் விலை மிக அதிகமாக இருப்பதால் சாதாரண மக்கள் பெரும் பொருளாதாரப் பாதிப்பைச் சந்திக்கும் சூழல் உருவாகியுள்ளது.
மத்திய கிழக்கு நாடுகளில் போர் நீடிக்கும் பட்சத்தில், மொத்த ஐரோப்பாவும் எரிசக்தி இன்றி முடங்கும் அபாயம் ஏற்பட்டுள்ளது. மால்டோவா போன்ற பொருளாதாரத்தில் பின்தங்கிய நாடுகளால் விலையுயர்ந்த எரிவாயுவை இறக்குமதி செய்ய முடியாத நிலை இருப்பதால், அங்கு மக்களின் அன்றாட வாழ்க்கை பெரிதும் பாதிக்கப்பட்டுள்ளது. ஈரான்-இஸ்ரேல் மோதல் உலக நாடுகளின் பொருளாதாரத்தில் பெரும் தாக்கத்தை ஏற்படுத்தி வரும் நிலையில், ஐரோப்பாவின் இந்த எரிவாயு தட்டுப்பாடு ஒரு மிகப்பெரிய மனிதாபிமான மற்றும் பொருளாதார நெருக்கடியாக உருவெடுத்துள்ளது.
அதிமுகவின் மூத்த தலைவராக இருந்து தமிழக வெற்றிக் கழகத்தில் இணைந்த செங்கோட்டையன், தற்போது அக்கட்சியில் ஓரங்கட்டப்படுவதாக எழுந்துள்ள புகார்கள் அரசியல்…
ரயில் நிலையத்தில் பயணிகள் கூட்டத்திற்கு நடுவே குரங்கு ஒன்று செய்த குறும்புத்தனமான வீடியோ தற்போது சமூக வலைதளங்களில் சிரிப்பலைகளை உருவாக்கி…
மத்திய கிழக்கு பிராந்தியத்தில் ஈரானுக்கு எதிராக அமெரிக்கா முன்னெப்போதும் இல்லாத வகையில் தனது ராணுவ பலத்தைப் பெருக்கி வருகிறது. ஏற்கனவே…
ஹார்முஸ் நீரிணை பகுதியில் நிலவி வரும் போர் பதற்றத்திற்கு இடையே, இந்தியா மற்றும் இலங்கைக்கு சரக்குகளை ஏற்றி வந்த இரண்டு…
ஸ்காட்லாந்தில் வசிக்கும் தமிழக இளம்பெண் ஒருவர், தனது ஜனநாயகக் கடமையை ஆற்றுவதற்காக ஒன்றரை லட்சம் ரூபாய் செலவு செய்து தமிழகம்…
நடிகர் விஜய் அரசியலில் களம் இறங்கி 'தமிழக வெற்றிக் கழகம்' என்ற கட்சியைத் தொடங்கியதில் இருந்து, அவருக்குப் பல்வேறு சவால்கள்…