திமுகவில் ஸ்டாலினுக்கு அடுத்து யார் மாஸ் லீடர்?… உதயநிதி கிடையாது, இவர்தான்… வெளியான பரபரப்பு கருத்துக்கணிப்பு…!

லயோலா கல்லூரி முன்னாள் மாணவர்கள் அமைப்பான IPDS அரசியல் களத்தில் தமிழ்நாடு மக்களின் மனநிலை குறித்து கருத்துகளை நடத்தி வருவது வழக்கம். தற்போது சட்டமன்ற தேர்தல் நெருங்கிக் கொண்டிருப்பதால் கருத்துக்கணிப்பு ஒன்றை நடத்திய அதன் முடிவுகளை வெளியிட்டுள்ளது. அதில் முதல்வர் ஸ்டாலின் 2026 தேர்தலில் போட்டியிட்டு முதல்வராக வாய்ப்பு உள்ளதா என்ற கேள்விக்கு 55 சதவீதம் பேர் ஆம் என்றும், 29 சதவீதம் பேர் இல்லை என்றும் கருத்து தெரிவித்துள்ளனர். முதல்வராக வாய்ப்புள்ள தலைவர்கள் குறித்த கேள்விக்கு முதல்வர் ஸ்டாலின் முதலிடத்தில் உள்ளார்.

அதேபோல திமுகவின் அடுத்த தலைமை குறித்த கேள்வியும் சர்வேயில் இடம்பெற்றுள்ளது. அதன்படி திமுக தலைவர் ஸ்டாலினுக்கு பிறகு திமுகவில் அந்த இடத்தை நிரப்ப தகுதி பெற்றவர் யார் என்ற கேள்விக்கு கருணாநிதியின் மகளும் ஸ்டாலினின் சகோதரியுமான திமுக எம்பி கனிமொழிக்கு 41% ஆதரவு கிடைத்துள்ளது. ஸ்டாலினின் மகனும் துணை முதல்வருமான உதயநிதி ஸ்டாலினுக்கு 36 சதவீத ஆதரவும், ஸ்டாலின் மருமகனான சபரீசனுக்கு 13 சதவீத ஆதரவும் கிடைத்துள்ளது.

உதயநிதி திமுகவின் இளைஞர் அணி தலைவராகவும் துணை முதல்வராகவும் உள்ளார். அத்துடன் தமிழ்நாடு அரசியல் களத்தில் திமுகவில் ஸ்டாலினுக்கு அடுத்த முகமாக கட்சியினர் உதயநிதியை முன் வைத்துள்ளனர். கனிமொழி டெல்லி அரசியலில் பெரிது கவனம் செலுத்தி வருகிறார். அத்துடன் நேரடி அரசியலில் ஸ்டாலினின் மருமகனான சபரீசனுக்கு 13 சதவீத ஆதரவு கிடைத்துள்ளது. இந்த கருத்து கணிப்பு தற்போது தமிழக அரசியலில் புதிய பரபரப்பை கிளப்பியுள்ளது.