இயற்கை சீற்றமா…? 15 பேரின் உயிரைப் பறித்த வியட்நாம் படகு விபத்து… உயிர் தப்பியவர் கண்ணீர் பேட்டி…!!

வியட்நாம் நாட்டின் அன்தோய் தீவுக்கூட்டப் பகுதியில் சுற்றுலாப் பயணிகள் சென்ற அதிவேகச் சொகுசுப் படகு ஒன்று திடீரென வீசிய பலத்த காற்று மற்றும் கடல் கொந்தளிப்பால் தலைகுப்புற கவிழ்ந்து விபத்துக்குள்ளானது. இந்த கோரச் சம்பவத்தில் 10 தமிழர்கள் உட்பட மொத்தம் 15 இந்தியப் பயணிகள் நீரில் மூழ்கி பரிதாபமாக உயிரிழந்தனர். விபத்தில் சிக்கிய படகு முழுமையாக மூடிய அமைப்பைக் கொண்டிருந்ததாலும், பயணிகள் யாரும் உயிர் காக்கும் உடைகளை அணியாமல் இருந்ததாலும் உயிரிழப்புகள் அதிகரித்ததாகக் கூறப்படுகிறது. கடலில் தத்தளித்த எஞ்சிய 21 பயணிகளை அந்நாட்டு எல்லைப் பாதுகாப்புப் படை மற்றும் கடற்படையினர் துரிதமாகச் செயல்பட்டு பத்திரமாக மீட்டனர்.

இத்துயரச் சம்பவத்திற்குப் பிரதமர் மோடி மற்றும் தமிழக முதலமைச்சர் விஜய் ஆகியோர் தங்களது ஆழ்ந்த இரங்கலைத் தெரிவித்துள்ளனர். உயிரிழந்த தமிழர்களின் உடல்களை விரைவாகத் தாயகம் கொண்டு வரவும், காயமடைந்தவர்களுக்குச் சிறந்த மருத்துவ உதவிகளை வழங்கவும் இந்தியத் தூதரகத்துடன் இணைந்து செயல்படச் சேலம் டி.ஐ.ஜி சந்தோஷ் ஹடிமானி வியட்நாமுக்கு விரைந்துள்ளார். இயற்கைக் சீற்றம் ஒருபுறம் இருந்தாலும், விபத்துக்குள்ளான படகில் ஏற்பட்ட திடீர் தொழில்நுட்பக் கோளாறும் இந்த விபத்திற்குக் காரணமாக இருக்கலாம் என்ற சந்தேகத்தின் அடிப்படையில் வியட்நாம் அதிகாரிகள் தற்போது தீவிர விசாரணையைத் தொடங்கியுள்ளனர்.