யார் நீ?..! நள்ளிரவு தாக்குதல்… உயிரைக் காப்பாற்றிய துணிச்சல்… திருப்பி அடித்த பெண்… அலறியடித்து ஓடிய காமவெறியன்…!!

ஆந்திர மாநிலம் குண்டூர் மாவட்டம், பெடாகாகானி காவல் எல்லைக்குட்பட்ட பகுதியில் சாலையோரம் தங்கி யாசகம் பெற்று வந்த பெண் ஒருவர் மீது கொடூரத் தாக்குதல் நடத்தப்பட்டுள்ளது. நள்ளிரவில் அப்பெண் உறங்கிக் கொண்டிருந்தபோது அங்கு வந்த அடையாளம் தெரியாத நபர் ஒருவர், பாலியல் அத்துமீறலில் ஈடுபடும் நோக்குடன் அவரைத் தாக்கி கொலை செய்ய முயன்றுள்ளார். தான் உடல்நலக் குறைவால் அவதியுற்று வருவதாக அப்பெண் கண்ணீருடன் கெஞ்சியபோதும், எதையும் பொருட்படுத்தாமல் அந்த நபர் கொடூரமாக வன்முறையைக் கட்டவிழ்த்துவிட்டுள்ளார்.

எனினும், உயிருக்குப் போராடிய நிலையிலும் அப்பெண் துணிச்சலுடன் அந்த நபரை எதிர்த்து பலமாகப் போராடினார். பெண்ணின் தீவிர எதிர்ப்பைக் கண்டு நிலைதடுமாறிய அந்த மர்ம நபர், பிடிபட்டுவிடுவோம் என்ற அச்சத்தில் சம்பவ இடத்திலிருந்து தப்பியோடி தலைமறைவானார். இச்சம்பவம் குறித்து வழக்குப் பதிவு செய்து தீவிர விசாரணை மேற்கொண்ட காவல்துறையினர், பொதுமக்களை அச்சுறுத்திய அந்த நபரை விரைந்து செயல்பட்டு தற்போது தங்கள் கட்டுப்பாட்டுக்குள் கொண்டுவந்து விசாரணை நடத்தி வருகின்றனர்.