துபாயில் ஏவுகணை தாக்குதல்… சேதமடைந்த கட்டிடங்கள் தீப்பிழம்பாக மாறி எரியும் காட்சிகள் – நடிகர் அஜீத்குமார் எப்படி இருக்கிறார்? பதட்டத்தில் ஏகே ரசிகர்கள்!

இஸ்ரேல் – ஈரான் இடையே இப்போது கடும் போர் நடந்து வருகிறது. இது பெரிய பதட்டத்தை ஏற்படுத்தியுள்ளது. இந்த தாக்குதலில் ஈரான் ராணுவம் துபாயில் ஏவுகணை தாக்குதல் நடத்திய நிலையில் துபாயில் புகழ்பெற்ற கட்டிடங்கள் தாக்குதலால் சேதமடைந்து தீப்பிழம்பாக எரியும் வீடியோக்களும் இணையத்தில் வைரல் ஆகி வருகின்றன. அந்த காட்சிகளை பார்க்கும்போது பலரும் பதைபதைத்து போகின்றனர். துபாயில் வான்வழியாக கடும் தாக்குதல் நடந்து வரும் நிலையில் அங்குள்ள இந்திய மக்கள் பாதுகாப்பாக இருக்கிறார்களா என்ற கேள்வி எழுந்துள்ளது.

ஏவுகணை தாக்குதல் காரணமாக விமான நிலையங்கள் மூடப்பட்டு விமான போக்குவரத்து சேவை ரத்து செய்யப்பட்டுள்ளது. தங்களை காப்பாற்றும்படி பிரதமர் மோடிக்கு அங்குள்ள தமிழக மக்கள் உருக்கமாக வேண்டுகோள் விடுத்துள்ளனர். இதற்கிடையே துபாயில் கார் ரேஸில் கலந்துகொண்டு உள்ள நடிகர் அஜீத்குமார் எப்படி இருக்கிறார் என்ற பதைபதைப்பும் கவலையும் அவரது ரசிகர்களிடையே ஏற்பட்டுள்ளது.

இந்நிலையில் நடிகர் அஜீத்குமார் இன்று சென்னைக்கு திரும்புவதாக திட்டமிடப்பட்டிருந்தது. ஆனால் துபாயில் கடும் தாக்குதல் நடத்தப்பட்டதால் அவருடைய பயணத் திட்டம் ரத்து செய்யப்பட்டது. மேலும் இப்போது அஜீத்குமார் இப்போது பாதுகாப்பாக இருக்கிறார். இந்த பதட்டமான சூழல் முடிவடைந்ததும் அஜீத்குமார் சென்னை திரும்புவார் என்று அஜீத்குமாரின் மேனேஜர் சுரேஷ் சந்திரா கூறியதாக ஒரு தகவல் வெளியாகி உள்ளது.