ஐயோ… புதருக்குள்ள ஏதோ சத்தம் கேக்குதே?… மீட்கப்பட்ட கைக்குழந்தை… நடுநடுங்க வைக்கும் பின்னணி… கிரிடியில் நடந்த அதிர்ச்சி சம்பவம்…!

கிரிடி மாவட்டம் பச்சம்பா பகுதியில், முட்புதருக்குள் புதிதாகப் பிறந்த பெண் குழந்தை ஒன்று வீசப்பட்டுக் கிடந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது. அழுதுகொண்டிருந்த குழந்தையின் சத்தத்தைக் கேட்ட அப்பகுதி மக்கள், உடனடியாக இதுகுறித்து உள்ளூர் காவல் நிலையத்திற்குத் தகவல் தெரிவித்தனர்.

தகவல் அறிந்ததும் விரைந்து வந்த காவல்துறையினர், முட்புதரில் இருந்த குழந்தையைப் பத்திரமாக மீட்டனர். குழந்தையின் உடலில் முட்கள் உரசியதால் லேசான கீறல் காயங்கள் ஏற்பட்டிருந்தது கண்டறியப்பட்டது. இதையடுத்து, முதலுதவி மற்றும் தீவிர சிகிச்சைக்காகக் குழந்தையை உடனடியாக அருகில் உள்ள மருத்துவமனைக்குக் கொண்டு சென்று அனுமதித்தனர்.

https://twitter.com/JournalistAzaz/status/2098365960113778872/video/1

தற்போது மருத்துவமனையில் குழந்தைக்குத் தேவையான சிகிச்சைகள் அளிக்கப்பட்டு வருகின்றன. குழந்தை யாருடையது, அதனை முட்புதரில் வீசிச் சென்ற நபர்கள் யார் என்பது குறித்து காவல்துறையினர் தீவிர விசாரணை மேற்கொண்டு வருகின்றனர். இச்சம்பவம் அப்பகுதி மக்களிடையே மிகுந்த அதிர்ச்சியையும் சோகத்தையும் ஏற்படுத்தியுள்ளது.