5 மாத குழந்தைக்கு பவுடர் பால் கொடுத்த தாய்… அடுத்த சில நிமிடங்களில் நடந்த சோகம்… 10 வருட தவத்தில் பிறந்த குழந்தையை பறிகொடுத்த பெற்றோர்…!

10 வருடங்களுக்குப் பிறகு தம்பதியினருக்கு கடவுள் கொடுத்த மகிழ்ச்சியை அவரே பறித்துக் கொண்ட சம்பவம் சோகத்தை ஏற்படுத்தியுள்ளது. இந்தூர் பகிரத்பூர் பகுதியில் இந்த சம்பவம் நடந்துள்ளது. ஐந்து மாத குழந்தை தூய்மையற்ற குடிநீரால் ஏற்பட்ட வயிற்றுப்போக்கு காரணமாக உயிரிழந்துள்ளது. தாய்க்கு தாய்ப்பால் சுரக்காத நிலையில் மருத்துவர்களின் அறிவுரைப்படி பவுடர் பாலில் நர்மதா குழாய் நீரை கலந்து கொடுத்து வந்துள்ளனர். அவர்கள் நம்பிக்கையுடன் பயன்படுத்திய அந்த நீர் விஷமாக மாறி பல வருட பிரார்த்தனைக்கு பிறகு பிறந்த அந்த குழந்தையின் உயிரைப் பறித்துள்ளது.

குழந்தையின் தந்தை சுனில் தன் மகனுக்கு காய்ச்சலும் வயிற்றுப்போக்கும் ஏற்பட்டபோது அது சாதாரண உபாதை என்று கருதியுள்ளார். மாசடைந்த நீர் குறித்த எந்த எச்சரிக்கையும் அதிகாரிகளால் வழங்கப்படாத நிலையில் வழக்கம் போல தண்ணீரை வடிகட்டியே பயன்படுத்தியுள்ளனர். ஆனால் ஞாயிற்றுக்கிழமை இரவு நிலைமை மோசமாகி திங்கட்கிழமை காலை மருத்துவமனைக்கு செல்லும் வழியில் குழந்தை உயிரிழந்து உள்ளது. இந்தூரில் மாசடைந்த நீரால் உயிரிழந்த பலரில் குழந்தையும் தற்போது இடம் பெற்றுள்ளது வேதனை அளிக்கிறது. இந்த சம்பவம் அப்பகுதி மக்கள் மத்தியில் சோகத்தை ஏற்படுத்தியுள்ளது.