டாக்டர்… என் குழந்தைக்கு 10 நாளா இருமல்… கொஞ்சம் பாருங்க… அடுத்த வாரம் வாங்க… நியூசிலாந்தில் கதறிய இந்தியத் தாய்… இணையத்தில் வைரல் வீடியோ…!

நியூசிலாந்தில் வசித்து வரும் ஆகிருதி ஜெய்ஸ்வால் ஸ்ரீவஸ்தவா என்ற இந்தியப் பெண், தனது குழந்தை கெவித் 10 நாட்களாகத் தொடர்ந்து இருமலால் அவதிப்பட்டதால் உள்ளூர் மருத்துவ மையத்தைத் தொடர்புகொண்டார். உடனடியாக மருத்துவரைச் சந்திக்க அனுமதி கிடைக்கும் என எதிர்பார்த்த அவருக்கு, அடுத்த ஒரு வாரத்திற்குப் பிறகே மருத்துவரைச் சந்திக்கக் நேரம் ஒதுக்குவதாகக் கூறி அதிர்ச்சியளித்தனர்.

பொதுவாக நியூசிலாந்து மருத்துவர்கள் உடனடியாக மருந்துகளைப் பரிந்துரைக்க மாட்டார்கள் என்பதால், குழந்தை தானாகக் குணமடைவான் என்று ஆகிருதி சில நாட்கள் காத்திருந்தார். ஆனால் நிலைமை சீராகாததால் அவசர காலச் சிகிச்சை மையத்திற்குச் சென்றார். அங்கு அதிகக் கூட்ட நெரிசல் காரணமாக “இன்றிரவு மேலும் நோயாளிகளைப் பரிசோதிக்க இயலாது” என்ற அறிவிப்புப் பலகை வைக்கப்பட்டு, அங்கும் அவருக்கு மருத்துவ உதவி கிடைக்காமல் போனது.

https://www.instagram.com/reel/Db-g4BAxscj/?utm_source=ig_web_button_share_sheet

இந்த அனுபவத்தை அவர் இன்ஸ்டாகிராமில் வீடியோவாகப் பகிர்ந்து கொண்டார். நியூசிலாந்து போன்ற வளர்ந்த நாடுகளில் மருத்துவச் சிகிச்சைக்கான நேரத்தைப் பெறுவதில் உள்ள தாமதத்தைச் சுட்டிக்காட்டிய அவர், உடனடியாக மருத்துவரைச் சந்தித்துச் சிகிச்சை பெறக்கூடிய இந்திய மருத்துவ அமைப்பின் எளிமையையும் விரைவான செயல்பாட்டையும் தான் இப்போது அதிகம் மதிப்பதாகக் குறிப்பிட்டுள்ளார்.