கொலையாளிகள் யார்?… மருந்து வாங்க சென்ற தந்தை… ஓட ஓட விரட்டிச் சுட்டுக் கொலை… கண் இமைக்கும் நேரத்தில் முடிந்த உயிர்… பட்டப்பகலில் பயங்கரம்…!!

உத்தரப் பிரதேச மாநிலம் கிரேட்டர் நொய்டாவில் நடுங்கவைக்கும் கொடூரச் சம்பவம் ஒன்று அரங்கேறியுள்ளது. உடல்நலக்குறைவால் அவதிப்பட்டு வந்த தனது எட்டு வயது மகளுக்கு மருந்தகத்தில் மருந்து வாங்கிக்கொண்டு வீடு திரும்பிக் கொண்டிருந்த இம்ரான் என்ற நபரை, அடையாளம் தெரியாத கும்பல் ஒன்று வழிமறித்தது. அவர் தப்பியோட முயன்றபோதும் விடாமல் விரட்டிச் சென்ற அந்த மர்ம நபர்கள், கண்மூடித்தனமாகத் துப்பாக்கியால் சுட்டுவிட்டுத் தப்பியோடினர். இதில் படுகாயமடைந்த இம்ரான் சம்பவ இடத்திலேயே பரிதாபமாக உயிரிழந்தார்.

பட்டப்பகலில் மக்கள் நடமாட்டம் உள்ள பகுதியில் அரங்கேறிய இந்த துப்பாக்கிச்சூடு அப்பகுதி மக்களிடையே பெரும் அச்சத்தையும் அதிர்ச்சியையும் ஏற்படுத்தியுள்ளது. தகவல் அறிந்து விரைந்து வந்த காவல்துறையினர், அவரது உடலைக் கைப்பற்றி உடற்கூறாய்வுக்காக அனுப்பி வைத்தனர். முன்விரோதம் காரணமாக இந்தக் கொலை நடந்ததா அல்லது வேறு ஏதேனும் காரணமா என்ற கோணத்தில் வழக்குப்பதிவு செய்துள்ள போலீசார், குற்றவாளிகளைப் பிடிக்கத் தீவிர தேடுதல் வேட்டை நடத்தி வருகின்றனர்.