சீச்சீ… என்னைத் தொட உனக்கு எவ்வளவு தைரியம்?… பெண் ஊர்க்காவல் படையினரிடம் முறையற்ற நடத்தை… சப்-இன்ஸ்பெக்டர் அதிரடி கைது… கொல்கத்தாவில் நடந்த அதிர்ச்சி சம்பவம்…!

கொல்கத்தா ஆயுதக் காவல் படையின் உதவி ஆய்வாளர் ஒருவர், பெண் தற்காலிக ஊர்க்காவல் படை வீராங்கனையை முறையற்ற விதத்தில் தொடுவது போன்ற சிசிடிவி காணொளி சமூக வலைத்தளங்களில் வைரலாக பரவியதை அடுத்து கைது செய்யப்பட்டுள்ளார். இச்சம்பவம் குறித்து காவல்துறை உயர் அதிகாரிகளுக்குத் தகவல் கிடைத்தவுடன், உடனடியாக தீவிர விசாரணைக்கு உத்தரவிடப்பட்டு உரிய சட்டப்பூர்வ நடவடிக்கைகள் எடுக்கப்பட்டன.

குற்றம் சாட்டப்பட்ட அந்த உதவி ஆய்வாளர் பணியில் இருந்த சுருச்சி சங்கத்தில்தான் இச்சம்பவம் நிகழ்ந்துள்ளது. காவல்துறை போன்ற பாதுகாப்பான மற்றும் பொறுப்பான பணியிடங்களில் பணியாற்றும் ஒருவரே இதுபோன்ற பாலியல் சீண்டல் செயலில் ஈடுபட முயன்றது சக ஊழியர்கள் மற்றும் பொதுமக்களிடையே பெரும் அதிர்ச்சியையும் கண்டனத்தையும் ஏற்படுத்தியுள்ளது.

https://twitter.com/Plchakraborty/status/2112066253791871214/video/1

கைது செய்யப்பட்ட அதிகாரி மீது நீதிமன்ற நடவடிக்கைகள் தொடங்கப்பட்டுள்ளதோடு, காவல்துறை துறையின் சார்பில் கடுமையான துறை ரீதியான நடவடிக்கைகளும் முடுக்கிவிடப்பட்டுள்ளன. பெண்களுக்கு எதிரான குற்றங்கள் மீது எத்தகைய சமரசமும் செய்யப்படாது என்றும், தவறு செய்யும் காவலர்கள் மீது சட்டப்படி உரிய தண்டனை உறுதி செய்யப்படும் என்றும் கொல்கத்தா காவல்துறை தரப்பில் தெரிவிக்கப்பட்டுள்ளது.