கருணை அடிப்படையில் அரசு பணி… தமிழக அரசு வெளியிட்ட அதிரடி அறிவிப்பு… முழு விவரம் இதோ…!

அரசு பணியில் இறந்தவர்களின் வாரிசுகளுக்கு கருணை அடிப்படையில் பணி வழங்கும் நடைமுறை பல ஆண்டுகளாக தமிழ்நாடு அரசு வழங்கிக் கொண்டு வருகிறது. விண்ணப்ப பதிவு, மூக்கு பட்டியல் தயாரிப்பு பணி வழங்குதல் உள்ளிட்ட விதிகளில் திருத்தம் ஏற்பட்டுள்ளது. அரசு ஊழியர்கள் தான் அரசின் திட்டங்களை மக்களுக்கு கொண்டு செல்லும் பாலமாக உள்ளனர். எனவே அரசு ஊழியர்களுக்காக பல்வேறு திட்டங்களை அரசு செயல்படுத்தி வருகிறது. அரசாங்க வேலை என்பது பலரின் கனவாக இருக்கிறது. காரணம் தனியார் நிறுவனங்களை ஒப்பிடும்போது வேலை பாதுகாப்பு, பல்வேறு நிதி உதவி பலன்கள், விடுமுறை என பலச்  சலுகைகளும் உள்ளது.

அரசுக்காக பல ஆண்டுகளாக உழைக்கும் ஊழியர்கள் திடீரென பணியில் உயிர் இழக்க நேரிட்டால், அவர்களின் வாரிசுகளுக்கு கருணை அடிப்படையில் பணியானது வழங்கப்படும். அந்த வகையில் அரசுப்  பணியின் போது இறந்தாலோ, உடல் நலம் பாதிக்கப்பட்டு, ஐந்து ஆண்டுகளுக்கும் குறைவாக பணிக்காலம் இருக்கும்போதே ஓய்வு பெற்றாலும், அவர்களின் வாரிசுகளுக்கு அரசு பணி வழங்கப்படும். இந்த நடைமுறை பல ஆண்டு காலமாகவே உள்ளது. இது தொடர்பான விதிகளின் திருத்தம் செய்து தமிழ்நாடு அரசிதழ் வெளியிட்டுள்ளது. அந்த வெளியிட்டில் கருணை அடிப்படையில் பணி வழங்க கூறும் விண்ணப்பங்களை மாநில அளவில் ஒரு பட்டியல் கொண்டு பதிவு தயார் செய்ய வேண்டும் . மேலும், நிலுவையில் உள்ள விண்ணப்பங்களை மாநில அளவில் ஒரே பதிவு மூக்கு பட்டியல் தயார் செய்து இதற்காக தனியாக இணையதளத்தை உருவாக்கி இந்த தகவலை வெளியிட வேண்டும் என்றும் அரசிதழில் தெரிவிக்கப்பட்டுள்ளது.

மேலும் மூன்று ஆண்டுகளுக்குள் காலி பணியிடங்களை நிரப்ப வேண்டும் என்றும் இந்த புதிய விதிகளுக்காக கடந்த ஆகஸ்ட் 4ஆம் தேதி முதல் அமலுக்கு வந்துள்ளது என்றும் தெரிவிக்கப்பட்டுள்ளது. பல ஆண்டு காலமாக கருணை அடிப்படையில் வேலை கிடைக்காதவர்களுக்கு உடனடியாக நடவடிக்கை எடுத்து வேலைவாய்ப்பு  கிடைக்குமாறு செய்து கொடுக்க வேண்டும் என்றும் அரசிதழில் கூறியுள்ளது.