ஒரு பாடகரை வைத்து, மொத்த படத்தையும் முடித்த இளையராஜா.. இத யாராவது கவனிச்சீங்களா?

தமிழ் திரை உலகில் அன்னக்கிளி என்ற திரைப்படம் மூலம் கடந்த 1976 ஆம் ஆண்டு தன்னுடைய கலை பயணத்தை தொடங்கியவர் தான் இசையமைப்பாளர் இளையராஜா. சுமார் 48 ஆண்டுகளுக்கு மேலாக இசையின் அரசனாக தமிழ் திரை உலகில் மட்டுமல்லாமல் இந்திய இசை உலகில் ராஜாவாக வலம் வந்து கொண்டிருக்கிறார் என்றால் அது இளையராஜா மட்டும்தான். இவருடைய அசாத்திய இசையில் உருவான எண்ணற்ற பாடல்கள் பல்வேறு சிறப்புகளை பெற்றவை. ஒரு காலகட்டத்தில் இளையராஜாவின் இசைக்காக மட்டுமே ஓடிய திரைப்படங்கள் எத்தனையோ உள்ளன.

சூப்பர் ஸ்டார் ரஜினி மற்றும் உலக நாயகன் கமல்ஹாசன் என தமிழ் சினிமாவின் உச்ச நட்சத்திரங்களாக திகழ்ந்த பல சூப்பர் ஹீரோக்களின் திரைப்படங்கள் வெற்றி பெற முக்கிய பங்கு வகித்தவர் இளையராஜா. இப்படி இளையராஜா சினிமாவில் உச்சத்தில் இருந்த காலத்தில் 2001 ஆம் ஆண்டு வெளியான திரைப்படம் தான் காசி. காசி என்ற கண் தெரியாத நாயகனாக விக்ரம் இந்த திரைப்படத்தில் நடித்திருந்தார்.

வினயன் இயக்கிய இந்த திரைப்படத்திற்கு இளையராஜா இசையமைத்திருந்த நிலையில் இந்த திரைப்படத்தில் இடம்பெற்ற அனைத்து பாடல்களையும் பாடகர் ஹரிஹரன் தான் பாடியிருந்தார். ஒட்டு மொத்த பாடல்களுக்கும் இசையமைத்த இளையராஜா ஹரிஹரனை வைத்தே அனைத்து பாடல்களையும் எடுத்து மொத்த பணத்தையும் முடித்துக் கொடுத்தார். காசி படத்தில் இடம்பெற்ற ஆத்தோரத்திலே ஆலமரம், என் மன வானில், புண்ணியம் தேடி காசிக்கு போனா உள்ளிட்ட அனைத்து பாடல்களுமே சூப்பர் ஹிட் தான்.