அறிமுகமாகி மூன்றே வருடங்களில் இப்படி ஒரு வளர்ச்சியா?… ‘இளையராஜா ரசிகை’ என்ற பெயரில் உருவான திரைப்படம்… ரிலீஸ் ஆகாத சோகம்!

தமிழ் சினிமாவின் தனிப்பெரும் சாதனையாளர்களில் ஒருவர் இளையராஜா. உலகளவில் அவர் அளவுக்கு அதிக படங்களில் இசையமைத்த இசையமைப்பாளர் இல்லை. இப்போதும் தன்னுடைய 82 ஆவது  வயதில் பிஸியாக பல படங்களுக்கு இசையமைத்து வருகிறார். இதுவரை அவர் 1500 படங்களுக்கு இசையமைத்துள்ளதாக சொல்லப்படுகிறது.

தமிழ் சினிமாவில் பல ஜாம்பவான் இசையமைப்பாளர்கள் உருவாகியுள்ளார்கள். ஆனால் அவர்களுக்கும் இளையராஜாவுக்கும் இடையே உள்ள பெரிய வித்தியாசமே பின்னணி இசையில் இளையராஜாவுக்கு நிகர் அவர் மட்டுமே. அவரின் வருகைக்குப் பிறகே தமிழ் சினிமாவில் பின்னணி இசையை இயக்குனர்கள் உணர ஆரம்பித்தார்கள் என்றால் அது மிகையாகாது.

இளையராஜாவே தொடக்கத்தில் இங்கிருந்த கமர்ஷியல் இசையைக் கொடுக்க முடியாமல் தான் தடுமாறியதாகவும், ஆனால் 16 வயதினிலே திரைப்படத்துக்குப் பிறகு தன்னுடைய தனிப் பாணியை கண்டுகொண்டு விட்டதாக தெரிவித்திருக்கிறார்.

இளையராஜா 1976ல் அன்னக்கிளியில் அறிமுகம் ஆனார். அடுத்தடுத்த வருடங்களில் தொடர்ச்சியாக சூப்பர் ஹிட் பாடல்களைக் கொடுத்து தமிழ் சினிமாவின் முன்னணி இசையமைப்பாளர் ஆனார். அவர் அறிமுகமாமி மூன்றே ஆண்டுகளில் ‘இளையராஜாவின் ரசிகை’ என ஒரு திரைப்படம் எடுக்கப்பட்டுள்ளது. அந்த அளவுக்கு ஒரு அசுர வளர்ச்சியை இளையாராஜா பெற்றுள்ளார்.

’இளையராஜாவின் ரசிகை’ படத்தை அன்னக்கிளி புகழ் இயக்குனர்களான தேவராஜ்-மோகன் இயக்கினர். சிவசந்திரன், தீபா, ஒய்ஜிமகேந்திரா போன்றோர் நடிக்க படத்துக்கு இளையராஜாவே இசையமைத்துள்ளார். படத்தின் பாடல்களும் வெளியாகி மிகப்பெரிய வெற்றி பெற்றுள்ளன. ஆனால் . படம் வெளிவரவில்லை. அது இளையராஜா ரசிகர்களுக்கு ஒரு சோகமான சம்பவமாக இன்றுவரை உள்ளது.

இந்த படத்தின் கதை என்ன என்பது பற்றிய தகவல் எதுவும் இப்போது கிடைக்கப் பெறவில்லை.