“வெளியே சொன்னா கொன்னுடுவேன்!”.. 14 வயது வளர்ப்பு மகளை மிரட்டி சீரழித்த தந்தை.. மருத்துவமனையில் வெளியான திடுக்கிடும் உண்மைகள்..!!

மேற்கு வங்க மாநிலத்தைச் சேர்ந்த 35 வயதுப் பெண்ணுக்கு, முதல் கணவருடன் ஏற்பட்ட கருத்து வேறுபாடு காரணமாக விவாகரத்து ஆனது. அவருக்கு 14 வயதில் ஒரு மகள் உள்ளார். விவாகரத்திற்குப் பிறகு, அப்பெண் ரஞ்சித் கோஸ் என்பவரை இரண்டாவது திருமணம் செய்து கொண்டார். தங்களது சொந்த ஊரில் போதிய வருமானம் இல்லாததால், பிழைப்புத் தேடி தனது 14 வயது வளர்ப்பு மகளுடன் திருப்பூர் மாவட்டம் காங்கேயம் பகுதிக்கு வந்து, அங்குத் தனி வீடு எடுத்து தங்கி கூலி வேலை செய்து குடும்பம் நடத்தி வந்துள்ளனர்.

காங்கேயத்தில் வசித்து வந்த ரஞ்சித் கோஸ், தனது மனைவி வீட்டில் இல்லாத நேரத்தைப் சாதகமாகப் பயன்படுத்திக் கொண்டு, 14 வயது வளர்ப்பு மகளைப் பாலியல் வன்கொடுமை செய்து சீரழித்துள்ளார். இக்கொடூரம் குறித்துத் தாயிடம் கூறினால் இருவரையும் கொலை செய்து விடுவதாக மிரட்டியுள்ளார். இதனால் பயந்துபோன சிறுமி யாரிடமும் கூறாமல் மௌனமாக இருந்துள்ளார். இதனைத் தனக்குச் சாதகமாக்கிக் கொண்ட ரஞ்சித், மீண்டும் மீண்டும் பலமுறை அச்சிறுமிக்குத் தொடர் பாலியல் தொல்லை கொடுத்து வந்துள்ளார்.

தொடர் அத்துமீறல்களால் சிறுமியின் உடல்நிலை பாதிக்கப்படவே, அவரது தாய் அவரை மருத்துவமனைக்கு அழைத்துச் சென்றுள்ளார். அங்குச் சிறுமியைப் பரிசோதித்த மருத்துவர்கள், அவர் பாலியல் வன்கொடுமைக்கு உள்ளாக்கப்பட்டதை அறிந்து உடனடியாக மகளிர் காவல் நிலையத்திற்குத் தகவல் கொடுத்தனர். விரைந்து வந்த போலீசாரின் விசாரணையில், மாற்றாந்தந்தை செய்த அராஜகங்களைச் சிறுமி கண்ணீருடன் விவரித்தார். இதைக் கேட்டு அதிர்ச்சியடைந்த தாயின் புகாரின் பேரில், போலீசார் ரஞ்சித் கோஸைக் கிடுக்குப்பிடி விசாரணை செய்து, போக்சோ சட்டத்தின் கீழ் கைது செய்து சிறையில் அடைத்தனர்.