மனைவியின் டார்ச்சர் தாங்க முடியல… என்னை கருணைக் கொலை செய்துருங்க சார்.. கலெக்டரிடம் மனு கொடுத்த கணவர்…!

குஜராத் மாநிலம் சூரத் நகரைச் சேர்ந்த கிரித் படேல் என்ற நபர், தனது மனைவியால் ஏற்படும் தொடர் துன்புறுத்தல் மற்றும் மன உளைச்சல் காரணமாக தனக்கு ‘கருணைக்கொலை’ செய்ய அனுமதி கோரி மாவட்ட ஆட்சியர் அலுவலகத்தில் மனு அளித்துள்ளார். இது தங்களுக்குள் இருக்கும் குடும்பப் தகராறு மற்றும் நாட்டின் சட்ட நடைமுறைகள் குறித்து சமூக வலைதளங்களிலும் ஊடகங்களிலும் பெரும் விவாதத்தை ஏற்படுத்தியுள்ளது.

தனது மனுவில் கிரித் படேல், தனக்கும் தனது மனைவிக்கும் இது 3-வது திருமணம் என்றும், தனது மனைவி பெண்களுக்கான பாதுகாப்புச் சட்டங்களைத் தவறாகப் பயன்படுத்தி தன் மீது பொய் புகார்களை அளித்து வருவதாகவும் குற்றம் சாட்டியுள்ளார். மேலும், தனது முந்தைய திருமணத்தின் மூலம் பிறந்த குழந்தையை மனைவி துன்புறுத்த முயன்றதாகவும், இது குறித்துப் காவல் நிலையத்தில் புகார் அளித்தும் எந்தவொரு வழக்கும் (FIR) பதிவு செய்யப்படவில்லை என்றும், இதனால் அரசாங்க அதிகாரிகள் மீதும் சட்டத்தின் மீதும் தனக்கு நம்பிக்கை அற்றுப் போய்விட்டதாக அவர் வேதனையுடன் தெரிவித்துள்ளார்.

ஆண்களுக்கு எதிரான குடும்ப வன்முறைகள் மற்றும் இதுபோன்ற புகார்களில் உள்ள உண்மைத் தன்மையைக் கண்டறிய உரிய சட்டப் பாதுகாப்பு இல்லை என்று அவர் தனது மனுவில் குறிப்பிட்டுள்ளார். இந்த விவகாரம் குறித்து மாவட்ட நிர்வாகத்தின் தரப்பில் இன்னும் அதிகாரப்பூர்வமான முடிவுகள் ஏதும் அறிவிக்கப்படாத நிலையில், குடும்பத் தகராறுகளில் ஆண்களுக்கு ஏற்படும் மன உளைச்சல் மற்றும் சட்டப் பாதுகாப்பு குறித்த விவாதங்கள் தற்போது தீவிரமடைந்துள்ளன.