பஸ்ஸை மறித்து ரகளை…! நடுரோட்டில் மனைவிக்கு சரமாரி குத்து… போதையில் அட்டூழியம் செய்த கணவர்… வைரலாகும் பகீர் வீடியோ…!!

தெலங்கானா மாநிலம் ஜகித்தியால் மாவட்டத்தில் உள்ள முக்கிய நெடுஞ்சாலையில் வியாழக்கிழமையன்று குடிபோதையில் வந்த நபர் ஒருவர் பெரும் ரகளையில் ஈடுபட்டுள்ளார். போதை தலைக்கேறிய நிலையில், சாலையில் வந்த அரசுப் பேருந்தை நடுவழியில் மறித்து நின்று டிரைவருடன் கடுமையான வாக்குவாதத்தில் ஈடுபட்டுள்ளார்.

பேருந்து நட்டநடு சாலையில் நிறுத்தப்பட்டதால், அவருக்குப் பின்னால் நூற்றுக்கணக்கான வாகனங்கள் அணிவகுத்து நின்று கடுமையான போக்குவரத்து நெரிசல் ஏற்பட்டது. இதைப் பார்த்து அதிர்ச்சியடைந்த அந்த நபரின் மனைவி, அவரைச் சமாதானப்படுத்திச் சாலையின் ஓரமாக அழைத்துச் செல்ல முயன்றுள்ளார்.

ஆனால், ஆத்திரத்தின் உச்சத்திற்குச் சென்ற அந்த குடிகார நபர், தடுக்க வந்த தனது சொந்த மனைவியையே நடுரோட்டில் வைத்துச் சரமாரியாகக் குத்தித் தாக்கியுள்ளார். இந்த கொடூரமானச் சம்பவம் அங்கிருந்தவர்களால் வீடியோ எடுக்கப்பட்டுச் சமூக வலைத்தளங்களில் பரவி பெரும் பரபரப்பை ஏற்படுத்தியுள்ளது. இச்சம்பவம் குறித்து போலிஸார் வழக்குப் பதிவு செய்து தீவிர விசாரணை நடத்தி வருகின்றனர்.