“ரத்த வெள்ளத்தில் துடித்த மனைவி…” அச்சத்தில் தூக்கில் தொங்கிய கணவர்….! நடந்தது என்ன…? பரபரப்பு பின்னணி…!!

திருவள்ளூர் மாவட்டம் பட்டாபிராம் கரிமேடு பகுதியைச் சேர்ந்தவர் சரண்ராஜ். இவரது மனைவி ஷீலா. இந்த தம்பதியினருக்கு இரண்டு குழந்தைகள் உள்ளனர். அப்பகுதியில் இருக்கும் வெல்டிங் கடையில் சரண்ராஜ் வேலை பார்த்து வந்துள்ளார். இவர் அடிக்கடி மது குடித்துவிட்டு தனது மனைவி மீது சந்தேகப்பட்டு அவரை அடித்து கொடுமைப்படுத்தி உள்ளார். கடந்த 2 நாட்களுக்கு முன்பு கணவன் மனைவி இடையே வாக்குவாதம் ஏற்பட்டது.

இதனால் ஷீலா பக்கத்து தெருவில் உள்ள உறவினர் வீட்டிற்கு சென்று தங்கி உள்ளார். நேற்று காலை சரண்ராஜ் ஷீலாவை சமாதானப்படுத்தி வீட்டிற்கு அழைத்து வந்துள்ளார். அப்போது இருவருக்கும் இடையே மீண்டும் வாக்குவாதம் ஏற்பட்டது. இதில் கோபமடைந்த சரண்ராஜ் கத்தியால் ஷீலாவின் வயிற்றில் சரமாரியாக குத்தியுள்ளார்.

பின்னர் அவர் இறந்து விட்டதாக நினைத்து அச்சத்தில் சரண்ராஜ் தூக்கிட்டு தற்கொலை செய்து கொண்டார். இதற்கிடையே ஷீலாவின் அலறல் சத்தம் கேட்டு ஓடி வந்த அக்கம் பக்கத்தினர் அவரை மீட்டு மருத்துவமனையில் சிகிச்சைக்காக அனுமதித்தனர். இதுகுறித்து அறிந்த போலீசார் சம்பவ இடத்திற்கு சென்று சரண்ராஜின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.