“வயிற்றுக்குள் வெடித்த கல்லீரல்…” 8 மாத கர்ப்பிணியை அடித்தே கொன்ற காதல் கணவர்… ஒரே வருடத்தில் கொடூரம்…. நெஞ்சை உலுக்கும் சம்பவம்…!!

மத்தியப் பிரதேச மாநிலம் சின்த்வாரா பகுதியைச் சேர்ந்த நிஹால் கரோசியா என்பவரும், சோனியா (19) என்ற பெண்ணும் கடந்த ஒரு வருடத்திற்கு முன்பு காதலித்துத் திருமணம் செய்துகொண்டனர். தற்போது சோனியா 8 மாதக் கர்ப்பிணியாக இருந்துள்ளார்.

இந்நிலையில், நள்ளிரவில் தம்பதியிடையே ஏற்பட்ட கடுமையான வாக்குவாதத்தின் போது, ஆத்திரமடைந்த நிஹால் தனது கர்ப்பிணி மனைவியை மரக்கட்டையாலும் கைகளாலும் மிருகத்தனமாகத் தாக்கியுள்ளான். இக்கொடூரத் தாக்குதலில் சோனியாவின் கல்லீரல் வயிற்றினுள்ளேயே வெடித்துச் சிதைந்தது. பலத்த காயமடைந்த அவரை மாவட்ட மருத்துவமனைக்குக் கொண்டு சென்றபோதிலும், சோனியாவும் அவரது வயிற்றிலிருந்த 8 மாதக் குழந்தையும் பரிதாபமாக உயிரிழந்தனர்.

இச்சம்பவம் குறித்து வழக்குப் பதிவு செய்த சின்த்வாரா காவல்துறையினர், கொடூரக் கணவன் நிஹால் கரோசியாவைக் உடனடியாகக் கைது செய்தனர். காதல் திருமணத்திற்குப் பிறகும் வரதட்சணைக் கொடுமை ஏதேனும் நடந்துள்ளதா என்ற கோணத்திலும் காவல்துறையினர் தீவிர விசாரணை நடத்தி வருகின்றனர்.