“டெலிவரி ஆன பிறகு தற்கொலை பண்ணிகிட்டா…” தவிக்கும் கைக்குழந்தை… மனைவியை கொன்று நாடகமாடிய கணவர்…. உண்மையை சொன்ன காதலி… பகீர் பின்னணி…!!

அமெரிக்காவின் கொலராடோ மாநிலத்தில், 37 வயதான லின்ட்சே பர்னெட் என்ற பெண்ணை அவரது கணவரான பேட்ரிக் தியோடோர் பர்னெட் (40) கொடூரமாகக் கொலை செய்துவிட்டு, அதைத் தற்கொலை போல நாடகமாடிய அதிர்ச்சிச் சம்பவம் வெளிச்சத்திற்கு வந்துள்ளது. அதிகாலை 6 மணி அளவில் காவல் துறைக்கு அழைத்த பேட்ரிக், தனது மனைவி பிரசவத்திற்குப் பிந்தைய மன அழுத்தத்தால் குளியலறையில் சொந்தமாகக் கழுத்தை அறுத்துக் கொண்டு மூச்சின்றிப் பிணமாகக் கிடப்பதாகக் கூறியுள்ளார்.

சம்பவ இடத்திற்கு வந்த அதிகாரிகள் நடத்திய தீவிர விசாரணையில், அவர் படுக்கையறையிலேயே மனைவியைக் கொலை செய்துவிட்டு, தற்கொலை எனக் காட்டுவதற்காக உடலைக் குளியலறைக்கு மாற்றியது கண்டுபிடிக்கப்பட்டது. மேலும், பேட்ரிக்கின் கள்ளக்காதலி காவல் நிலையத்தைத் தொடர்புகொண்டு அவரது அக்கிரமங்களை வெளிப்படுத்தியதால், உண்மை உடனடியாக அம்பலமானது. இச்சம்பவம் தொடர்பாகப் பேட்ரிக்கை கொலை வழக்கில் காவல்துறையினர் கைது செய்துள்ளனர்.