“நீங்க இல்லாம என்னால வாழ முடியாது”… மாரடைப்பால் உயிரிழந்த கணவர்… அவர் வாங்கிக் கொடுத்த சேலையில் மனைவி தற்கொலை… பெற்றோரை இழந்து பரிதவிக்கும் 3 பிஞ்சு குழந்தைகள்…!

சங்கராபுரம் அருகே மாரடைப்பால் கணவன் உயிரிழந்த நிலையில் துக்கம் தாங்க முடியாமல் கணவர் வாங்கி கொடுத்த சேலையில் மனைவி தூக்கிட்டு தற்கொலை செய்து கொண்ட சம்பவம் சோகத்தையும் அதிர்ச்சியையும் ஏற்படுத்தியுள்ளது. கள்ளக்குறிச்சி மாவட்டம் சங்கராபுரம் அருகே உள்ள பிரம்ம குண்டம் கிராமத்தை சேர்ந்த சிவா மற்றும் ஷர்மிளா தம்பதியினருக்கு திருமணம் ஆகி 10 வருடங்கள் ஆன நிலையில் இரண்டு பெண் குழந்தைகளும் ஒரு ஆண் குழந்தையும் உள்ளனர். சிவா விவசாய கூலி வேலை செய்து வந்த நிலையில் கடந்த 19ஆம் தேதி திடீரென்று மாரடைப்பு ஏற்பட்டு உயிரிழந்துவிட்டார்.

இந்நிலையில் கணவரின் திடீர் உயிரிழப்பு தாங்க முடியாத துயரத்திலும் மன உளைச்சலிலும் இருந்த ஷர்மிளா வீட்டில் யாரும் இல்லாத நேரம் பார்த்து கணவர் வாங்கி கொடுத்த சேலையால் தூக்கிட்டு தற்கொலை செய்து கொண்டார். இது குறித்து தகவல் அறிந்து விரைந்த போலீசார் ஷர்மிளாவின் உடலை கைப்பற்றி பிரேத பரிசோதனைக்கு அனுப்பி வைத்தனர். கணவர் மாரடைப்பு ஏற்பட்டு திடீரென உயிரிழந்த துக்கம் தாங்க முடியாமல் மனைவி அவர் வாங்கிக் கொடுத்த சேலையால் தூக்கிட்டு தற்கொலை செய்து கொண்ட சம்பவம் அப்பகுதியில் பெரும் சோகத்தையும் அதிர்ச்சியையும் ஏற்படுத்தி உள்ளது. அதே சமயம் தாயும் தந்தையும் இழந்து மூன்று குழந்தைகள் பரிதவிக்கும் சம்பவம் காண்போரை கலங்க வைத்துள்ளது.