நீங்கள் வாங்கிய தங்கம் சுத்தமானதா…? வீட்டிலேயே கண்டுபிடிப்பது எப்படி..? இதோ தெரிஞ்சிக்கோங்க…!

முதலீட்டுக்கான சிறந்த வழிகளில் தங்கமும் முக்கிய பங்கு வகிக்கிறது. இந்திய பெண்கள் பெரும்பாலும் தங்கத்தின் மீது அதிக அளவு ஆர்வம் காட்டுகிறார்கள். குறிப்பாக தமிழ் பெண்களை பொறுத்தவரை சேமிப்பு என்றால் அது தங்கம் வாங்குவது தான் என்று நினைத்து வருகிறார்கள். பொதுவாக குடும்ப பெண்களின் வாழ்நாள் சேமிப்பு என்பது அவர்கள் தங்கம் வாங்குவதாக தான் இருக்கும். அப்படி மதிப்புமிக்க சேமிப்பாக கருதும் தங்கத்தில் நாம் முதலீடு செய்யும்போது மிகவும் முக்கியமான கவனிக்க வேண்டிய விஷயங்கள் உள்ளது. சுத்தமான தங்கமா? என்பதை எப்படி அறிந்து கொள்வது என்பது குறித்து பார்க்கலாம்.

தங்கத்தில் செம்பு, துத்தநாகம், வெள்ளி போன்றவை கலக்கப்படுகிறது. இந்த கலப்படம் யாராலும் கண்டுபிடிக்க முடியாத அளவிற்கு நேர்த்தியாக இருக்கும். ஆனால் வீட்டில் உள்ள பொருட்களை வைத்து இதை பரிசோதிக்கலாம். 24 கேரட் என்பது 100% சுத்தமான தங்கம். 18 கேரட் மற்றும் 22 கேரட் என்பது நகைகளின் பயன்படுத்தப்படும் தங்கம். இதில் மற்ற உலோகங்களும் சேர்க்கப்பட்டிருக்கும். தங்கத்தின் தூய்மையை அறிந்து கொள்ள தனி இயந்திரங்கள் காணப்படுகிறது. இந்த இயந்திரத்தில் தங்கத்தை வைத்தால் அதன் தூய்மையை காட்டும். தங்கம் சுத்தமானதா? என்பதை கண்டறிய தங்க நகை மீது சில துளி வினிகரை தெளித்துப் பார்க்க வேண்டும் .

அதில் நிறத்தில் ஏதேனும் மாற்றம் ஏற்பட்டால் அது போலியானது என்றும் மாற்றமில்லை என்றால் சுத்தமானது என்றும் உறுதிப்படுத்தலாம். ஒரு பாத்திரத்தில் தண்ணீரை நிரப்பி அதில் தங்க நகை போட்டு அந்த நகை உடனடியாக மூழ்கினால் அது தரமான தங்கம். சிறிது நேரம் இருந்தால் அது போலியான தங்கம். முக்கியமாக தங்கத்தில் கலப்படம் இருப்பதை தவிர்க்க எப்போதும் ஐஎஸ்ஐ முத்திரை இருப்பதை பார்த்த பிறகு தான் தங்கத்தை வாங்க வேண்டும்.